Definición:
Global Biodiversity Information Facility: plataforma global que almacena datos de biodiversidade de todo o mundo.
Exemplo:
As observacións feitas para o reto compartiranse en GBIF.
Definición:
Punto de acceso ou de conexión nunha rede.
Exemplo:
Usaremos Natusfera, o nodo español de iNaturalist, para rexistrar as nosas observacións.
Prepara a túa curiosidade, porque vas converter o contorno máis próximo —desde unha pinguiña de auga ata a herba do patio— nun auténtico laboratorio de biodiversidade. Deste xeito contribuirás a facilitar información que toda a comunidade científica poderá utilizar. Durante as vindeiras semanas, a túa clase explorará catro dos grandes reinos vivos (Monera, Protoctistas, Fungos e Plantas) empregando Natusfera, o nodo español de iNaturalist, como caderno de campo dixital e plataforma de ciencia cidadá.
Coñece Natusfera e como se relaciona o noso reto con ela. Visiona o seguinte vídeo:
O reto está estruturado en tres niveis:
Aprende a observar: co móbil ou a tablet capturarás imaxes de bacterias cultivadas, algas do teu microxardín, cogomelos do xardín e plantas espontáneas do recreo.
Convírtete en detective da natureza: usarás as ferramentas de Natusfera para axudar a poñer nome ás túas observacións e ás doutros compañeiros, construíndo guías visuais para cada reino.
Dá o salto ao método científico: formularás hipóteses (p. ex. “Inflúe a luz na diversidade de protoctistas?”), recollerás datos ambientais e analizarás resultados que se integrarán na base global de biodiversidade (GBIF).
Traballaremos con contas colectivas, respectando a privacidade do alumnado, e asumiremos distintos roles rotatorios (fotógrafo/a, analista, divulgador/a…) para que todas as voces sumen e todas as mentes investiguen.
Ao rematar:
Colla a lupa, acende a curiosidade e… Comeza a aventura de “Natusfera: 4 reinos”!
Licenciado baixo a Licenza Creative Commons Atribución Non-comercial Compartir igual 4.0