Capa externa e impermeable que cobre as partes aéreas de moitas plantas e algas, protexéndoas da perda de auga.
Exemplo:
As follas están recubertas por unha cutícula que reduce a evaporación.
Desecamento
Definición:
Proceso polo cal un organismo ou estrutura perde auga ata secarse parcial ou totalmente.
Exemplo:
O fento Asplenium ceterach pode enrolar as súas frondes durante o desecamento e recuperarse cando volve a humidade.
Vasculares
Definición:
Tecidos especializados (xilema e floema) no transporte de auga, sales minerais e nutrientes.
Exemplo:
Os fentos marcan un avance na evolución por ser as primeiras plantas vasculares.
O reino das plantas
A palabra planta vén do latín Plantae, e serve para nomear a todos os organismos que teñen unha serie de características en común.
Os antepasados das plantas, as algas, tiñan vida acuática. As plantas, representan un salto evolutivo moi relevante, xa que foron quen de conquistar a "terra firme".
As características principais deste reino son as seguintes:
Son pluricelulares con células eucariotas con parede celular de celulosa o que lles dá rixidez.
Son autótrofas, elaboran por si mesmas os nutrientes que necesitan para vivir grazas ao proceso de fotosíntese.
A maioría teñen tecidos e órganos especializados como raíces, talos e follas. Os fentos e as plantas con sementes teñen tecidos vasculares, (condutores).
Presentan cutículas e estruturas que as fan impermeables, evitando o desecamento, o que lles permite vivir en terra firme.
Non se desprazan por se mesmas, aínda que poden ter movementos.
As plantas clasifícanse en dous grandes grupos:
As plantas sen sementes, ou plantas sen flores: musgos, hepáticas, antoceros e fentos.
As plantas con sementes, ou plantas con flores: ximnospermas como os piñeiros e anxiospermas, que son a maioría de plantas máis comúns e mellor coñecidas, como as plantas de cultivo, as dos xardíns e a maioría de bosques e prados.
Lembra consultar o apoio visual desta páxina na icona en forma de ollo na parte inferior dereita.
Lectura facilitada
Algunhas algas foron os antepasados das plantas e vivían na auga.
As plantas presentan adaptacións co cal poden vivir na terra.
As características principais deste reino son as seguintes:
Presentan células eucariotas con parede celular de celulosa o que lles dá rixidez.
Son autótrofas, elaboran por si mesmas os nutrientes que necesitan para vivir grazas ao proceso de fotosíntese.
A maioría teñen tecidos e órganos especializados como raíces, talos e follas. Os fentos e as plantas con sementes teñen tecidos vasculares, (condutores).
Teñen estruturas para evitar a desecación, co cal poden vivir en terra firme.
As plantas clasifícanse en dous grandes grupos:
As plantas sen sementes, ou plantas sen flores: musgos, hepáticas, antoceros e fentos.
As plantas con sementes, ou plantas con flores: ximnospermas como os piñeiros e anxiospermas, que son a maioría de plantas máis comúns e mellor coñecidas, como as plantas de cultivo, as dos xardíns e a maioría de bosques e prados.
Audio
Apoio visual
Vídeo sobre o reino das plantas.
Elaboración dun herbario: descubrindo a flora da nosa terra
Nesta actividade traballaredes en parellas, aínda que cada estudante elaborará o seu propio herbario de maneira individual. A continuación, visualizarase un vídeo, a modo de exemplo, seguido dunha explicación escrita cos pasos que debedes seguir.
Preparación
Saíde a explorar diferentes ambientes como os bosques, a beira dos camiños, o litoral nun día soleado ou cando non chova. Non esquezades levar bolsas pequenas para recoller mostras, cámara e calzado adecuado.
Recolleita
Traballade en parellas para recoller plantas. Debedes conseguir: tres fentos, dúas ximnospermas e dez anxiospermas. Cada estudante gardará as súas mostras para elaborar o seu propio herbario.
Secado
Coloca cada exemplar nunha folla de xornal. Entre cada mostra, intercala máis follas de xornal. Lembra cambiar as follas cada dous días para garantir un secado axeitado.
Montaxe e presentación
Engadide unha etiqueta identificadora seguindo o modelo que se amosa no ficheiro anexo.
Para a presentación final cada estudante organizará as súas mostras nunha carpeta ou caderno, incluíndo unha portada.
As plantas clasifícanse en dous grandes grupos: