Saltar navegación

1.1. Camiño de vida

 

Glosario

Bacteria

Bacterias

Definición:

Organismo microscópico, unicelular e sen núcleo definido (procariota), pertencente ao reino Monera.

Exemplo:

As bacterias só poden verse con axuda dun microscopio.

Ecosistema

Ecosistema dulceacuícola

Definición:

Conxunto formado polos seres vivos (plantas, animais, microorganismos...) e o medio físico (auga, solo, aire...) que interactúan entre si nun lugar determinado.

Exemplo:

Un regato onde viven algas, protozoos, bacterias e insectos acuáticos é un ecosistema.

ODS

ODSs

Definición:

ODS: obxectivos de desenvolvemento sostible. Conxunto de metas globais establecidas polas Nacións Unidas para promover o desenvolvemento sostible en todo o mundo.

Exemplo:

O ODS 15 céntrase na protección da vida nos ecosistemas terrestres.

Sostible

Sostibilidade

Definición:

Acción que non pon en risco a vida na Terra nin dana o medio ambiente, tanto no presente como no futuro.

Exemplo:

Unha acción sostible consiste en preservar a biodiversidade do noso planeta.

Ruta da biodiversidade

A vida no noso planeta é incrible e diversa. Para comprendela mellor, os científicos clasificaron os seres vivos en grandes grupos chamados reinos. Nesta viaxe descubriremos catro deles: o reino Monera (as bacterias), o reino Protoctista (organismos como as algas e os protozoos), o reino dos Fungos e o reino das Plantas.

Cada un destes reinos está formado por seres únicos, esenciais para manter o equilibrio da Terra. As bacterias descompoñen os restos dos seres vivos, as algas producen gran parte do osíxeno que respiramos, os fungos axudan tamén a aproveitar os restos dos seres vivos nos ecosistemas, e as plantas alimentan a moitos seres vivos.

Biodiversidade nos reinos Monera Protoctista Fungos e Plantas

A diversidade destes organismos é parte fundamental da biodiversidade, que non é máis que a variedade de vida que enche cada recuncho do planeta. Sen esta riqueza, os ecosistemas serían fráxiles e a nosa vida, imposible.

Por iso, nesta unidade imos traballar tamén co Obxectivo de Desenvolvemento Sostible (ODS) 15: Vida de Ecosistemas Terrestres, que nos invita a coñecer, respectar e protexer a biodiversidade que fai do mundo un lugar habitable. E tamén co ODS 14: Vida submarina, que ten como obxectivo a conservación e o uso sostible dos océanos, mares e recursos mariños.

Lectura facilitada

  • Imos estudar seres vivos dos catro reinos: Moneras que son as bacterias, Protoctistas que inclúen os protozoos e algas, Fungos e Plantas.
  • As bacterias descompoñen os restos dos seres vivos.
  • As algas producen gran parte do osíxeno que respiramos
  • Os fungos axudan a aproveitar os restos dos seres vivos nos ecosistemas
  • As plantas alimentan a moitos seres vivos.
  • Estes organismos pertencentes aos catro reinos son parte fundamental da biodiversidade
  • Nesta unidade aprenderemos sobre dous obxectivos de desenvolvemento sostible (ODS) importantes: coidar os océanos (ODS 14) a protección de todos os seres vivos que habitan no planeta (ODS 15).

Que sabes sobre Biodiversidade?

com/watch?v=vQg_8s4LDHc?si=IsNUAeVr5Ug2HNXJ

Feito con eXeLearning (Nova xanela)