Como xa comentamos anteriormente, imos estudar os catro reinos Moneras, Protoctistas, Fungos e Plantas... Case nada! Cada un deles agrupa seres vivos con características propias, formas de vida diversas e un papel fundamental nos ecosistemas. Desde as bacterias microscópicas ata as árbores máis impoñentes, todos estes organismos forman parte da enorme diversidade da biosfera.

O coñecemento que hoxe temos sobre estes reinos e sobre a clasificación dos seres vivos foi posible grazas ao esforzo de moitas/os naturalistas e científicas/os, non só a nivel mundial, senón tamén na nosa contorna máis próxima. Debemos lembrar que este coñecemento tamén foi posible grazas á sociedade que, en diferentes momentos da historia, apoiou a ciencia, a educación e a curiosidade polo mundo natural. Sen o apoio das institucións e da sociedade, que permitiron a investigación e a formación científica, moitos destes avances non terían sido posibles.

Estes estudos permítenos identificar, nomear e comparar os organismos vivos, recoñecendo o seu valor e importancia na natureza.