Glosario

Figura xeométrica

Debuxo dun tangram e unha imaxe dun gato feito coas pezas do tangram

Definición:: Representación dunha forma que se debuxa nun papel ou co ordenador. O círculo e o triángulo son figuras xeométricas.
Exemplo:: O tangram é un xogo con sete figuras xeométricas

Os movementos no plano

Para entender o que é un plano, imaxina que é a superficie sobre a que está un debuxo ou unha figura xeométrica. Sobre o plano os obxectos poden moverse de diferentes maneiras, mantendo as dimensións e a forma. A ese tipo de cambios é ao que chaman "movementos no plano".

Aquí coñecerás catro tipos de movementos no plano: translación, xiro, simetría axial e simetría central.

Translación

Existe un desprazamento da figura. O movemento pode ser a calquera sitio do plano. Todas as partes da figura móvense á mesma distancia e na mesma dirección polo que a figura mantén a forma.

Ilustración do movemento de translación dunha figura

Animación que amosa o movemento de translación dunha figura

Xiro

A figura rota un determinado número de graos arredor dun punto que recibe o nome de centro de rotación.

Ilustración dun movemento de xiro aplicado a unha figura

Simetría axial

Este movemento produce unha figura como en reflexo. Igual que cando miras a túa imaxe nun espello.

Existe unha liña, que ten o nome de eixe de simetría, que crea o efecto de reflexión.

Debuxo de dúas figuras con simetría axial

Animación de simetría axial que amosa os movementos dunha figura

Simetría central

O movemento de simetría central no plano faise en relación a un punto. A figura mantén a forma e o tamaño pero xira 180 graos.

A simetría central é equivalente a xirar a figura media volta.

Debuxo de dúas figuras con simetría central

Animación que amosa o movemento no plano de simetría central aplicado a unha figura

Lectura facilitada

Un plano é a superficie sobre a que está un debuxo ou unha figura xeométrica.

Os obxectos poden moverse no plano de diferentes maneiras,

sen cambiar as dimensións nin a forma.

A ese tipo de movementos é ao que chaman "movementos no plano".

Aquí coñecerás catro tipos de movementos no plano:

Translación
Xiro
Simetría axial
Simetría central

1. Translación

Existe un desprazamento da figura.

O movemento pode ser a calquera sitio do plano.

Todas as partes da figura móvense a mesma distancia.

A figura mantén a forma.

Ilustración do movemento de translación dunha figura

Animación que amosa o movemento de translación dunha figura

2. Xiro

A figura xira arredor dun punto

que recibe o nome de centro de rotación.

Ilustración dun movemento de xiro aplicado a unha figura

3. Simetría axial

Este movemento produce unha figura como en reflexo.

Igual que cando miras a túa imaxe nun espello.

Hai unha liña imaxinaria, que chamamos eixe de simetría,

que crea o efecto de reflexión.