Definición:
Cabeza, parte superior do corpo humano.
Exemplo:
Déronme un balonazo na cachola xogando ao baloncesto.
Definición:
Elemento que se repite de maneira constante e serve como modelo para facer algo.
Exemplo:
Usamos o padrón que viña de exemplo para colorear o mandala.
O pano galego forma parte do traxe tradicional propio da nosa cultura. Podémolo atopar de moitas cores e deseños sendo o máis habitual o que emprega flores. Ademais tamén existen varias formas de colocalos. Nos seguintes vídeos atoparás máis información.
Reflexiona co teu grupo:
Coñecemos a técnicaOs eixes de simetría son liñas rectas imaxinarias que dividen unha figura en dúas partes iguais. Dicimos que un obxecto ou figura é simétrico se, ao dobralo pola metade, ambas partes coinciden perfectamente. Hai figuras cun eixe de simetría e outras con dous ou máis.
Moitos dos deseños dos panos galegos son simétricos. Observa a fotografía, é simétrica? Es quen de marcares os eixes de simetría? Aquí tes o documento en PDF (nova xanela) e en formato editable.
Propoñémosche que fagas un deseño propio dun pano tradicional. Para iso, só terás que realizar un padrón e repetilo 3 veces máis empregando e respectando os eixes de simetría. Vamos alá!
O pano galego é parte do traxe tradicional galego.
Pode ser de moitas cores e deseños.
O máis habitual é de flores.
Tamén hai varias formas de colocalos.
Nos seguintes vídeos atoparás máis información.
Reflexiona co teu grupo:
Coñecemos a técnica
Os eixes de simetría son liñas rectas
que dividen unha figura en dúas partes iguais.
Hai figuras cun eixe de simetría
e outras con dous ou máis.
A maioría dos panos galegos son simétricos.
A fotografía é simétrica?
Es quen de marcar os eixes de simetría?
Aquí tes o documento en PDF (nova xanela) e en formato editable.
Que tes que facer?
Fai un deseño dun pano tradicional.
Vamos alá!
Licenciado baixo a Licenza Creative Commons Atribución Non-comercial Compartir igual 4.0