Recursos para crear ao estilo arte de píxel
Para comezar a crear un debuxo coa técnica de arte de píxel só necesitas un papel con cadros pequenos, por exemplo un caderno de cadriños. Pinta os cadros e compón unha obra de arte.
Para a tarefa que verás despois terás que utilizar a plataforma Piskel for kids, pero se non tes acceso a Internet tamén podes utilizar un programa de ordenador como GIMP, ou mesmo descargar Piskel e traballar sen conexión a Internet.
Por que Piskel for kids? Tres motivos:
- Está dispoñible de balde.
- É un programa libre que permite o uso sen limitacións.
- Non obriga a facer un rexistro nin garda os teus datos de navegación.
Pasos para comezar con Piskel for kids.
1. Visita o sitio web
Accede á web de Piskel (nova xanela).
2. Coñece as funcións do programa.
Aspecto de Piskel for kids
Ferramentas de debuxo e selección
- Selector do grosor do punto.
- Ferramenta de lapis para debuxar puntos.
- Bote de pintura para encher de cor unha zona ou cambiar unha cor por outra.
- Goma de borrar puntos.
- Debuxo dun cadrado e un círculo.
- Ferramenta para mover todo o debuxo ou só unha parte.
- Botóns para a selección dunha parte do debuxo.
- Botón para cambiar o ton da cor.
- Selector de cor.
- Ferramenta para crear debuxos simétricos.
- Botón para pintar liñas.
- Ferramenta para crear un patrón de cadros.
3. Crea con Piskel for kids
Experimenta, debuxa, borra, fai probas sen medo.
Na seguinte páxina tes un videotitorial que explica o funcionamento de Piskel for kids.
Lectura facilitada
Para comezar a crear un debuxo de píxel
necesitas un papel con cadros pequenos-
Pinta os cadros e compón unha obra de arte.
Para a tarefa de despois
terás que utilizar Piskel for kids
tamén podes utilizar GIMP,
ou descargar Piskel e traballar sen conexión a Internet.
Por que Piskel for kids? tres motivos:
- Está dispoñible de balde.
- É un programa libre.
- Non obriga a facer un rexistro nin garda os teus datos.