Para informarse
Warhol empregaba figuras xeométricas nalgunhas obras, sobre todo nas serigrafías, xa que creaba un deseño con figuras xeométricas simples: triángulos, cadrados, liñas, rectángulos... A utilización das figuras xeométricas forma parte do seu particular estilo Pop Art, onde a simplicidade e a repetición desempeña un rol importante.
Podes crear diferentes debuxos utilizando figuras xeométricas básicas, só tes que poñerlle imaxinación, combinando diferentes figuras xeométricas para crear outras máis complexas (obxectos, persoas, animais), superpoñendo figuras iguais, mediante liñas que unan unhas con outras...
No seguinte videotitorial explícanche como empregares o escuadro, cartabón e transportador de ángulos para realizares debuxo xeométrico:
Paralelas e perpendiculares
Uso do transportador de ángulos
Que tes que facer?
Agora tócache crear un hórreo utilizando formas xeométricas ao estilo Pop Art que empregaremos como imaxe das invitacións para a feira artística.
Para crealo necesitarás:
Compás, regra, escuadro e transportador de ángulos
Folio
Lapis e goma
Pinturas
Lectura facilitada
Warhol empregaba figuras xeométricas
nalgunhas obras,
creaba un deseño con:
triángulos, cadrados, liñas, rectángulos...
Forma parte do estilo Pop Art,
Podes crear diferentes debuxos
utilizando figuras xeométricas básicas,
combinando diferentes figuras
para crear outras máis complexas.
Que tes que facer?
Agora tócache crear un hórreo
utilizando formas xeométricas
que empregaremos nas invitacións para a feira artística.
Para crealo necesitarás:
- Regra, escuadro e transportador de ángulos
- Folio
- Lapis e goma
- Pinturas