Agora é o momento de avaliar definitivamente o proxecto, aplicando os criterios que aprendestes e empregando a ferramenta de avaliación asignada (C). Este proceso é clave para identificar puntos fortes, aspectos que destacan e áreas que se poden mellorar. De feito, durante a redacción xa o fostes facendo. Con iso, e as melloras propostas polo profesor ou pola profesora, todo estará máis que ben. 

Traballade con calma e en equipo, asegurándovos de revisar cada apartado. A avaliación debe ser xusta, argumentada e baseada nos contidos e nas pautas que se explicaron nesta unidade.

Lembrade que esta tarefa é importante para mellorar o voso proxecto e para desenvolver habilidades críticas que vos axudarán na investigación e en futuros traballos. Se hai algunha dúbida sobre os criterios ou o proceso, non dubidedes en comentarllo ao profesor ou profesora.

Para o grupo C usaremos unha rúbrica, a mesma que usará o/a docente para avaliar. Podedes descargala desde a ligazón que aparece ao final desta tarefa, ou na biblioteca de investigación. 

Unha rúbrica é unha ferramenta que axuda a avaliar o voso traballo de forma clara e organizada. Imos pensar nela como unha táboa ou lista onde se explican os criterios que se van avaliar no voso proxecto de investigación, en aspectos como calidade dos obxectivos, presentación, variables, etc. 

Cada criterio ten  3 niveis. Dependendo de como o voso proxecto cumpra cada criterio, recibiredes unha puntuación e unha valoración. Agora, na autoavaliación, tócavos a vós asignar a puntuación. Podedes descargar a rúbrica abaixo. 

Para rematar, enviádelle ao profesor ou profesora o resultado da vosa autoavaliación.