A escribir
A continuación, dispoñedes dunha serie de indicacións para facer a memoria. A forma de redactar en ciencias ten características particulares, sendo diferente, por exemplo, dun texto literario. Revisade as indicacións con atención.
- Empregade un ton formal e obxectivo. Escribide de forma clara e seria. Evitade usar palabras demasiado coloquiais ou emocionais. Por exemplo, en vez de dicir "Foi alucinante ver os resultados!", é mellor que escribades "Os resultados mostraron datos significativos".
- Usade o presente para narrar feitos. Na maior parte do texto científico, os feitos universais e as conclusións descríbense no presente. Por exemplo: "As plantas, como os piñeiros, necesitan luz para realizar a fotosíntese."
- Usade o pasado para describir experimentos. Cando contedes o feito no traballo, usade o pasado. Por exemplo: "medimos a altura das plantas despois de catro semanas" ou " rexistramos o tempo da reacción".
- Escribide frases curtas e claras. Evitade frases longas ou con demasiadas ideas. Unha frase, unha idea. Por exemplo: "O experimento durou dúas semanas. " , "Observáronse cambios na cor das follas.", "O modelo de coche que usamos moveuse polo plano inclinado".
- Evitade o uso da primeira persoa. En textos científicos, é máis común usar unha redacción impersonal. Por exemplo, en vez de "Eu puxen a planta ao sol", escribe "A planta foi colocada ao sol".
- Empregade conectores para dar orde e claridade: usade palabras como "primeiro", "despois", "por tanto", "ademais" ou "finalmente" para organizar o texto. Isto axuda a que a persoa que esta a ler siga mellor as ideas.
- Evitade redundancias: non repitades a mesma idea varias veces. Procurde usar palabras diferentes para expresar conceptos similares, pero sempre sendo claro.
- Inclúide exemplos só cando sexan necesarios: se explicades algo moi complexo, podedes poñer un exemplo, pero non abusedes deles.
- Revisade a ortografía e a gramática: antes de entregar a memoria, asegúrade de que non haxa erros. Pedide a alguén que lea o voso texto para comprobar que se entende ben.
- Usade un vocabulario específico pero comprensible: empregade termos científicos cando sexa necesario, pero explicade conceptos difíciles de forma sinxela para que a persoa que eata a ler os poida entender.
Escribir de forma científica non é só informar, senón facelo de xeito claro, organizado e respectando as normas de redacción formal. Practicar estas regras axudarache a mellorar.