Redactar a memoria final é responsabilidade de todo o grupo de investigación. Ninguén debe quedar á marxe, xa que a colaboración de todos e todas é esencial para conseguir un resultado de calidade e conxunto. Repetimos, non sobra: a ciencia, na actualidade, faise en equipo. 

Tarefa

Seguide estas instrucións para completar a memoria:

1. Descargade o formulario de memoria. Atoparédelo logo destas indicacións.
2. Enchede cada apartado sen presas. Consultade os contidos desta unidade e a memoria modelo para asegurar que completades todos os puntos correctamente.
3. Compartide o documento. Usade a aula virtual ou Google Drive para que todos e todas poidades traballar en conxunto no mesmo documento.
4. Revisade a memoria rematada. Empregade a ferramenta de avaliación do seguinte apartado para valorar o traballo (en Avaliación).
5. Enviade a primeira versión ao profesor ou profesora. Facédeo a través do canal indicado (aula virtual, correo electrónico, etc.).
6. Agardade os comentarios do ou da docente. Revisade as suxestións e mellorade a memoria seguindo as indicacións dadas.
7. Enviade a segunda versión. Repetide o proceso de revisión e mellora tantas veces como sexa necesario ata chegar á versión final.
8. Se tedes a versión final, a memoria está lista para entrega final e comunicación á clase. 

Traballade en equipo e revisade todo con atención para asegurar un resultado de calidade!