Tarefa
Traballamos en grupo de investigación
Partimos dun experimento feito sobre a presión arterial feito por un grupo de estudantes de secundaria. Lemos a súa descrición.
No proxecto, medimos a presión arterial de varios participantes en dúas situacións: en repouso e despois de realizar 5 minutos de exercicio físico moderado (correr no lugar). Utilizouse un tensiómetro para rexistrar os valores sistólicos (alta) e diastólicos (baixa). Comparáronse os datos obtidos antes e despois do exercicio para analizar o impacto da actividade física na presión arterial. Todos os participantes realizaron a mesma actividade para garantir a comparación. Finalmente, calculouse o incremento da presión arterial en cada caso.
Vemos os datos
Tarefa
1. Individualmente, elabora 2 conclusións a partir das evidencias (datos) da táboa.
2. Xuntádevos no grupo de investigación, e chegade a 3 conclusións comúns.
3. Cando teñades unha resposta, revisade a retroalimentación.
Poderían ser algunhas destas?
- A presión arterial aumentou en todos os participantes despois de realizar exercicio físico.
- O incremento medio da presión arterial foi de aproximadamente 15 mmHg na sistólica e 5 mmHg na diastólica.
- A presión arterial en repouso estaba dentro dos valores normais para todos os participantes.
- O exercicio físico moderado provoca un aumento momentáneo da presión arterial.
- A presión arterial volve diminuír a valores normais despois dun tempo de repouso.