Pronto comunicaredes ao resto da clase o voso traballo. 

Saber expoñer en público é unha habilidade moi importante que nos axuda a comunicar as nosas ideas de forma clara e eficaz. Non importa se estades presentando un proxecto na clase, defendendo un traballo de investigación ou falando sobre un tema que vos apaixona: a capacidade de expresarte ben en público pode marcar a diferenza.

Pode que nos sintamos con vergoña, ou quizais non. En calquera caso, é importante romper o xeo, mellorar aquí, entre compañeiros e compañeiras, coa axuda do teu profesor ou da túa profesora.

Cando expoñemos, aprendemos a organizar as nosas ideas, a usar un vocabulario adecuado e a captar a atención do público. Ademais, é unha oportunidade para demostrar os vosos coñecementos e expresar a unha opinión de forma respectuosa e argumentada. Este tipo de habilidades non só vos servirán no colexio ou instituto, senón tamén na vida diaria e no futuro laboral, onde moitas veces teredes que defender un proxecto, explicar unha idea ou colaborar en equipo.  A práctica é clave: a medida que entrenades, seredes máis seguros/as e eficaces.  Por iso, non vexades as exposicións como un problema senón como unha oportunidade de aprender, mellorar e dar a coñecer o que sabedes. 

Unhas poucas recomendacións sinxelas para unha exposición pública do grupo de investigación

1. Organizade o contido. Dividide o traballo en partes claras e asignade a cada membro unha sección. Asegurádevos de que todo está conectado e segue unha orde lóxica, que é a da memoria.
2. Practicade xuntos.Ensaiade varias veces para coordinarvos, revisar o tempo e evitar interrupcións ou esquecementos.
3. Preparade materiais de apoio. Usade unha presentación, carteis ou gráficos que axuden a explicar o que dicides. 
4. Falade de forma clara e pausada. Evitade falar demasiado rápido ou baixo. Proxectade a voz para que todos vos escoiten ben.
5. Repartide o tempo de forma equilibrada. Todos e todas debedes ter a oportunidade de falar e participar, sen que un membro monopolice a exposición.
6. Facede contacto visual. Mirade ao público, non só aos vosos apuntamentos ou á pantalla, para manter a súa atención.
7. Non leades a presentación, só é un apoio. As persoas asistentes xa saber ler. Moi importante, agora toca explicar, non ler. 
8. Estade preparados para preguntas. Coordinádevos para responder de forma clara e asegurádevos de que todos entenden ben o traballo.
9. Mantédevos tranquilos/as. É normal ter algo de nervios, pero respirade fondo e recordade que é unha oportunidade para mostrar o voso esforzo. Cando unha persoa do grupo esté falando, o resto debe prestarlle moita atención e, por suposto, non falar.