Contables e incontables

Os substantivos concretos poden ser	CONTABLES, DESCONTINUOS ou XENÉRICOS
	INCONTABLES, CONTINUOS ou DE MATERIA

Os contables (tamén chamados descontinuos ou xenéricos) designan entidades que se poden contar: rapaz, bolboreta, estoxo... Podemos dicir dous rapaces, tres rapaces, seis estoxos...

Os incontables (tamén chamados continuos ou de materia) designan entidades que non se poden contar (aínda que si se poden medir ou pesar), polo tanto non levan diante numerais como un, unha, dous, dúas, tres, catro...; observa este exemplo:

un barco flota na auga do mar	podemos dicir	dous barcos tres barcos	barco é un substantivo contable
	non podemos dicir	en dúas augas en tres augas	auga é un substantivo incontable

Nalgúns casos un substantivo incontable pode transformarse en contable:

a auga do mar	as augas minerais
indica a materia, non se conta	indica tipos de auga, pódese contar: unha auga, dúas augas...