7. Glosario

B

• Borra

Sedimento que deixan algúns líquidos, como o viño e o café.

C

• Capilaridade

Propiedade que teñen os líquidos de subir por tubos estreitos en contra do seu propio peso.

• Cloruro sódico

Sal de fórmula NaCl, empregada usualmente na condimentación dos alimentos e, antigamente, na súa conservación.

• Concentrada

Disolución que ten unha proporción elevada de soluto.

• Cristal

Sólido que ten as súas partículas (átomos, ións ou moléculas) ordenadas en filas, columnas e planos.

D

• Decantar

1. Un sólido decanta cando vai ao fondo do líquido no que está disperso.

2. Separar un sólido que está aboiando na superficie dun líquido.

3. Separar dous líquidos inmiscibles.

• Difundir

Propagar algo desde un punto cara a unha área máis ampla.

• Diluído

Unha disolución é diluída cando ten unha concentración pequena de soluto.

E

• Etanol

Tamén chamado alcohol etílico, é o empregado habitualmente con fins sanitarios ou en bebidas alcohólicas.

G

• Granito

Rocha formada por tres minerais: seixo, feldespato e mica.

I

• Irredutible

Que non se pode reducir; fracción que non se pode simplificar.

P

• Período decimal

Grupo de cifras que se repite consecutivamente na parte decimal dun número periódico.

S

• Saturada

Disolución na que non se pode disolver máis soluto.

T

• Taxa de alcohol

Concentración de alcohol no sangue ou no aire expirado dunha persoa. Hai un valor máximo para poder conducir vehículos.

V

• Viscosidade

Dificultade que presentan algúns líquidos para moverse debida a súa fricción interna.

X

• Xerarquía

Relación de primacía e subordinación entre obxectos, elementos ou persoas. Xerarquía alxébrica: orde na que se deben facer as diversas operacións alxébricas (sumas, divisións, potencias…).