3. Resumo de contidos

Fraccións

• Son o cociente entre dous números enteiros.
• Fraccións equivalentes: teñen o mesmo valor numérico; se dúas fraccións son equivalente, os seus produtos en cruz dan igual.
• Simplificar unha fracción é dividir o numerador e o denominador polo mesmo número.
• Fracción irredutible: a que non se pode simplificar máis.
• Suma e resta de fraccións: primeiro transfórmanse en outras con igual denominador, logo súmanse os numeradores.
• Multiplicación de fraccións: multiplícanse os numeradores por unha banda e os denominadores pola outra.
• División de fraccións: multiplícanse en cruz, ou ben multiplicamos a primeira pola inversa da segunda.

Xerarquía das operacións

Vanse facendo na orde seguinte:

• Primeiro os corchetes e os parénteses.
• Dentro de cada paréntese ou corchete, primeiro as potencias.
• Logo as multiplicacións ou divisións.
• Por último. as sumas e restas.

Números decimais

Obtéñense a partir dunha fracción dividindo numerador entre denominador. Hai tres tipos:

• Decimal exacto: ten un número finito de cifras.
• Decimal periódico puro: ten infinitas cifras decimais que se repiten en grupos inmediatamente despois da coma decimal; o grupo de decimais que se repite chámase período.
• Decimal periódico mixto: entre a coma e o período hai cifras que non se repiten.

Estados de agregación da materia

Son sólido, líquido e gas. As propiedades xerais de cada estado son:

	Estados de agregación da materia
	Sólido	Líquido	Gasoso
Volume	Fixo	Fixo	Variable
Forma	Teñen forma propia	Non teñen forma propia	Non teñen forma propia
Comprensibilidade	Non diminúen de volume	Non diminúen de volume	Cambian de volume
Difusión	Non se difunden	Non se difunden	Difúndense

Substancias puras e mesturas

As mesturas de dúas ou máis substancias puras poden ser homoxéneas e heteroxéneas.

Técnicas de separación de mesturas

• Peneiramento.
• Filtraxe.
• Cristalización.
• Destilación.
• Decantación.
• Cromatografía.
• Separación magnética.

Disolucións

Hai nove tipos posibles de disolucións segundo que o soluto e o disolvente sexan sólido, líquido ou gas.

Concentración dunha disolución

É a proporción relativa do soluto e do disolvente. Entre outras, pode expresarse mediante a porcentaxe en masa, a porcentaxe en volume e en gramos por litro: