2.4 Notación científica

Na unidade didáctica 3 terá que traballar con números moi pequenos como a masa e a carga das partículas subatómicas (protón, electrón e neutrón) e con números moi grandes, como o número de átomos que hai nun corpo calquera (un libro, por exemplo). En ciencias usamos unha forma especial, e cómoda, de escribir e operar con estes números: a notación científica, que consiste en escribir cada número mediante unha parte enteira dunha soa cifra non nula, unha parte decimal e unha potencia de 10 con expoñente enteiro. Vexamos algúns exemplos:

• Distancia máxima da Terra ao Sol: 152.100.000.000 m

En notación científica: 1,521.10¹¹ m

A parte enteira é 1, a parte decimal 521 e a potencia 10¹¹.

• Masa do electrón: 0,0000000000000000000000009109534 kg

En notación científica: 9,109534.10^-25 kg.

A parte enteira é 9, a parte decimal 109534 e a potencia 10^-25.