1.4.1 Características do Estado

• Os estados xeralmente son plurinacionais e pluriculturais: nos estados adoitan convivir persoas de diferentes culturas e nacionalidades.

• Os territorios dos estados están delimitados por fronteiras que os diferencian dos demais estados. Estas fronteiras poden ser terrestres, marítimas, aéreas e do subsolo. As fronteiras establécense por motivos históricos ou políticos e poden basearse en elementos naturais (cordilleiras, ríos) ou xeográficos (paralelos, meridianos).

• Toda a poboación que vive no territorio e que forma un Estado está gobernada polas mesmas leis: ten os mesmos dereitos e as mesmas obrigas.

• Existe unha organización política común e o poder está repartido dentro do Estado.

• Posúe unha serie de símbolos identificadores: unha bandeira, unha capital, un himno, etc.

• Goza de recoñecemento internacional e, xa que logo, ten representación nos organismos internacionais e mantén relacións diplomáticas con outros estados.

Practicamente todos os territorios do planeta están actualmente baixo a administración dun Estado, incluídos as zonas polares e os desertos. Ás veces, as fronteiras entre estados son obxecto de litixios e poden orixinar guerras entre eles.

Madrid converteuse na capital de España en 1561, cando o rei Filipe II trasladou alí a súa corte