1.3.1 Sistemas políticos

Democráticos

• Parlamentario. O poder deriva do Parlamento. Prototipo: Reino Unido.

• Presidencialista. División ríxida de poderes, que atribúe con carácter independente e exclusivo as funcións lexislativas e executivas. Prototipo: EEUU.

• Semipresidencialista. Combinación de sistema parlamentario e presidencialista. Modelo: Francia.

• Directorial. A Asemblea Federal (Parlamento) elixe o Consello Federal, supremo órgano executivo. Único exemplo: Suíza.

• Monárquico parlamentario. Réxime establecido en España, como establece a Constitución no artigo 1. 3: “A forma política do Estado español é a Monarquía parlamentaria”.

• Federal ou federalismo. Sistema de goberno dunha federación de estados autónomos que nos asuntos de interese xeral están suxeitos ás decisións dunha autoridade central. Exemplo: Alemaña.

Sistemas políticos non democráticos

• Ditadura. O poder político está nas mans dunha soa persoa ou dun grupo minoritario que goberna segundo os seus intereses. Estas minorías poden ser o exército, un grupo étnico ou racial, a aristocracia económica ou relixiosa, un partido político... Como consecuencia, a gran maioría dos habitantes están excluídos da vida política.

  • Non existe división de poderes, polo que os poderes públicos poden cometer abusos sobre a cidadanía e quedar impunes.

  • Non existe un Estado de dereito que garanta as liberdades individuais e colectivas e os dereitos humanos.

• Teocracia. Os libros sagrados convértense na lei e os relixiosos ocupan o Goberno ou teñen poder para decidir as políticas gobernamentais.