1.3 Institucións democráticas

O sistema democrático fundaméntase nas liberdades e nos dereitos individuais. As súas institucións teñen por obxecto garantir e satisfacer as liberdades e os dereitos da cidadanía. Podemos distinguir dous tipos de democracia:

• Directa: a cidadanía decide reunida en asemblea ou por referendo: consulta popular.

• Representativa: a cidadanía vota as persoas que gobernarán no seu nome durante un tempo establecido pola lei, formando parte do Parlamento.

Principais características dun sistema democrático
Unha Constitución: que limita os poderes e controla o funcionamento do Goberno.	División de poderes: Executivo: Goberno. Lexislativo: Parlamento. Xudicial: xuíces, fiscais e maxistrados.	Dereito a votar e ser votado nas eleccións para unha ampla maioría da poboación (sufraxio universal).
Dereito á propiedade.	Pluripartidismo.	Liberdade de expresión.
Liberdade de prensa. Acceso ás fontes de información alternativas ás propias do Goberno.	Liberdade de asociación.	Cidadanía educada e informada dos seus dereitos e deberes.