Saltar navegación

1.4.5 Sanidade

A sanidade é un dos servizos básicos do sector terciario. Todas as persoas teñen dereito a recibir asistencia médica. A asistencia sanitaria no mundo é moi desigual.

Cada ano, unha parte dos ingresos recadados (impostos) polos Estados dos países desenvolvidos destínase aos servizos sanitarios; convértese así nun servizo público.

O SERGAS

O Servizo Galego de Saúde (SERGAS) xestiona a sanidade en Galicia. A organización da asistencia sanitaria baséase en dous niveis:

  • Atención primaria. Atende enfermos sen problemas graves de saúde. Cura e rehabilita de pequenas doenzas; promove a saúde e prevención de enfermidades. Os doentes son atendidos en centros de saúde.

  • Atención especializada. Presta internamento hospitalario, consultas especializadas, atención de urxencias e hospitalización a domicilio.

Na rede hospitalaria pública realízanse operacións cirúrxicas, transplantes de órganos, de tecidos e de células.

 Servizo de urxencias sanitarias 061

Presta atención extrahospitalaria en emerxencias ou urxencias sanitarias. Asesora telefonicamente aos enfermos ou parentes, xestiona o transporte sanitario urxente mediante ambulancias, coordina o transporte en transplantes e outras funcións no ámbito urbano e rural. As 24 horas do día están dispostas varias ambulancias medicalizadas, tamén helicópteros con persoal sanitario especializado.

Centro de transfusión de Galicia

Institución destinada a recibir as doazóns gratuítas de sangue. Con este centro conséguese a autosuficiencia en Galicia nas necesidades de sangue, imprescindible nas intervencións cirúrxicas. Calquera persoa adulta e sa pode doar sangue e salvar unha vida.

 

 Lectura

A cultura en Galicia

Galicia é unha realidade en cambio permanente, con historia, lingua e cultura propias. Se somos galegos é porque herdamos unha lingua e unha cultura milenarias enriquecidas día a día. Unha cultura na que nos identificamos como pobo, con proxección e presenza en España, en Europa, no mundo luso-africano-brasileiro e en América.

Galicia dispón dun patrimonio cultural enorme: cidades patrimonio da humanidade, cascos históricos en vilas e cidades, catedrais, igrexas, mosteiros, igrexas con elementos arquitectónicos de distintos estilos, castelos, pazos, restos arqueolóxicos, museos, arquivos, bibliotecas…

Institucións e asociacións culturais desenvolven actividades en todos os eidos culturais: música, artes escénicas, folclore, exposicións, congresos, recitais, conferencias, proxeccións cinematográficas, feiras do libro…

Hai empresas que xestionan e exportan produtos culturais galegos: editoriais, produtoras de cine, vídeo e dobraxe, galerías de arte… Artistas plásticos, escritores, actores, deseñadores e outros manteñen no mundo a cultura galega.

As infraestruturas culturais permiten a consolidación e transmisión da cultura en múltiples facetas: culta, popular, festiva. Ademais dos festivais que se celebran cada verán nas prazas e rúas da vilas e cidades, hai auditorios, pazos de congresos, teatros, exposicións, centros de arte e culturais que acollen eventos artísticos e musicais dirixidos a nenos e adultos.

 

 

 

Actividades propostas

 S31 O sector terciario evolucionou moito desde as últimas décadas do século XX, pois recibiu poboación dos outros sectores económicos. Observe as gráficas:

 Canada2007

 

R.D. Congo 2007

 

Alemaña 2007

 

China 2007

 

 
 

 S32. Como sería a frase completa:

 Canto maior sexa o índice de poboación dedicada ao sector maior ha ser o desenvolvemento do país. Canto maior sexa o índice do sector menor ha ser o desenvolvemento do país”.

 

  
 

 S33. Complete os espazos baleiros cos termos da listaxe, relacionados todos co comercio.

Troco – mercadoría – moeda – salario – balanza comercial –sal – exportacións – comprador – forza de traballo – importacións – cubrir necesidades – vendedor/a – acumulación – supermercados – Silleda.

O comercio é unha actividade moi antiga que establece lazos de contacto entre distintas culturas. O sentido orixinal do comercio é obter os bens e servizos que non temos para  para iso realizábase un intercambio directo de produtos, ao que chamamos  Co tempo foron aparecendo produtos como medio de pago: o de aí deriva salario), a pementa, o gando, os grans de cacao.... Cando ten forma de pezas pequenas de metal cuñado, chámaselle 

No sistema capitalista actual, para que haxa comercio, é precisa a presenza dun  que oferta a  ao  nun mercado. No comercio interior, é dicir, dentro das fronteiras dun país, existen: mercados fixos, grandes cadeas comerciais  hipermercados; mercados centrais de abastecemento, pequenos comercios, feiras de mostras (como a famosa galega de  comercio ambulante, ...

Tamén se establecen relacións comerciais con outros países, o que se coñece como comercio exterior, é dicir, vendas de produtos nacionais ou  e compras de produtos do exterior ou A diferenza en positivo ou en negativo entre ambos parámetros é o que se coñece como

Hogano, o sentido do comercio perverteuse. O seu obxecto xa non é servir á sociedade senón ser un medio de  por parte dunha minoría social. Ata é medible co 

 

 

 

  

S34. As relacións comerciais de España son basicamente cos seus veciños inmediatos. Analice a seguinte táboa e gráfica.

 

Exportacións a...

Importacións de...

País

Porcentaxe

País

Porcentaxe

Francia

19’3%

Alemaña

15’0%

Alemaña

11’4%

Francia

14’5%

Portugal

9’4%

Italia

8’5%

Reino Unido

8’5%

Reino Unido

5’8%

Italia

8’4%

Países Baixos

4’9%

EEUU

4’0%

China

4’3%

Países Baixos

3’1%

Bélxica

3’7%

Bélxica

2’8

Portugal

3’3%

Outros

 

Outros

  

 

Cal das seguintes gráficas é de importacións e cal de exportacións?

 

 

S33 O transporte pode realizarse por distintos medios e clasificarse segundo diversos criterios. Clasifique os seguintes medios de transporte: metro, hidroavión e bicicleta eléctrica.

S34. Analice os textos recollidos sobre o dereito á educación. Que teñen en común? Respéctanselle a todos os nenos e nenas do mundo ese dereito?

S35 Segundo datos da fundación Intervida, a comezos do ano 2008, había 774 millóns de adultos analfabetos no mundo, dos que 150 millóns vivían na África subsahariana. A poboación mundial está próxima aos 6.700 millóns de habitantes. Que porcentaxe da poboación mundial é analfabeta? Que porcentaxe é subsahariana? Que nos din estes datos?

S36 Os principais fluxos turísticos diríxense a Europa, ao Caribe, ao sueste asiático e ao norte de África. Observe a táboa: na primeira columna reflíctense os dez primeiros países do mundo por número de visitantes. Na segunda podemos ver os ingresos dos países que figuran entre os dez que obteñen máis beneficios.

    • Complete a táboa. Coa axuda dun atlas, indique nela en que continente está cada país dos citados.

    • Na columna da dereita ordene, con números, os países por maior número de ingresos. Australia e Turquía, que non aparecen nesta listaxe, están entre os dez países con máis ingresos pero non entre os máis visitados.

País

Continente

Chegada de

turistas (millóns)

Ingresos xerados (miles de millóns) 2006

  • Francia

 

79'1

85.7

 

  • España

 

58'5

51.1

 

  • EEUU

 

51'1

85.7

 

  • China

 

49'6

33.9

 

  • Italia

 

41'1

38.1

 

  • Reino Unido

 

30'7

33.7

 

  • Alemaña

 

23'6

32.8

 

  • México

 

21'4

-

Australia (8º)

  • Austria

 

20'3

16.9

 

  • Rusia

 

20'2

-

Turquía (9º)

S37 Analice estes documentos e compare a situación sanitaria do Primeiro e do Terceiro Mundo.

 

Andazos epidémicos

  • 10 de xullo de 2008. Un caso de febre hemorráxica de Marburgo importado de Uganda nos Países Baixos.

  • 23 de xuño de 2008. Intoxicación por chumbo en Senegal.

  • 19 de xuño de 2008. Gripe aviaria: situación en Indonesia.

  • 18 de xuño de 2008. Poliomielite en Nixeria e África occidental e central.

 

"... a asistencia sanitaria esencial baseada en métodos e tecnoloxías prácticos, cientificamente fundados e socialmente aceptables, posta ao alcance de todos os individuos e familias da comunidade mediante a súa plena participación e a un custo que a comunidade e o país poidan soportar, en todas as etapas do seu desenvolvemento cun espírito de responsabilidade e autodeterminación. A atención primaria forma parte integrante do sistema nacional de saúde, do que constitúe a función central e o núcleo principal, e do desenvolvemento social e económico global da comunidade. Representa o primeiro nivel de contacto dos individuos, a familia e a comunidade co sistema nacional de saúde, leva o máis preto posible a atención de saúde ao lugar onde residen e traballan as persoas, e constitúe o primeiro elemento dun proceso permanente de asistencia sanitaria."

A crise sanitaria agrava a desesperanzadora situación humanitaria en Etiopía

2008 -- O aumento da desnutrición e a ameaza de andazos epidémicos exacerban a crise humanitaria en Etiopía. A OMS está a colaborar co Goberno e con asociados en pro da saúde para prestar apoio en todo o país a 4,6 millóns de persoas que necesitan imperiosamente socorro sanitario de emerxencia.

Organización Mundial da Saúde [http://www.who.int/es/]

Declaración de Alma-Ata, (OMS)

Conferencia Internacional sobre Atención Primaria de Saúde 1978

S38 Nenos/as e escola. Indique se son ou non acertadas estas respostas.

    • En moitos países do terceiro mundo, as nenas e mulleres, en xeral, deben dedicar unha media de catro horas para coller auga, un ben escaso no rural.

    • Longas guerras civís, que converteron os/as nenos/as en soldados involuntarios, como o caso de Mozambique, e que limitan o número de mestres para a súa formación.

    • Os nenos e nenas do terceiro mundo non teñen interese en aprender a ler ou escribir. Non o precisan para a súa vida cotiá.

Licenciado baixo a Creative Commons Attribution Non-commercial Share Alike License 3.0