1.4.3 O turismo

Os habitantes dos países desenvolvidos dispoñen de recursos económicos e técnicos e de tempo de lecer para se desprazaren polo mundo. Hai diversas modalidades de turismo, en función do lugar de destino e das actividades ofertadas:

• Cultural: visita a cidades ou lugares cun amplo patrimonio artístico e histórico.

• De congresos e negocios: para a realización de actividades de formación e negocio.

• De costa: fundamentalmente de verán: praias, sol e actividades acuáticas.

• De inverno: turismo de deportes de inverno.

• Ecolóxico ou ecoturismo: actividades turísticas máis respectuosas coa natureza.

• Paisaxes exóticas: viaxes a lugares afastados, con espazos naturais menos concorridos.

• Relixioso. Visita a lugares santos, como Santiago de Compostela, o Camiño de Santiago, Roma, Xerusalén ou A Meca.

• Rural: estadías en vivendas rurais situadas en espazos naturais.

• De balnearios ou saúde: con fins terapéuticos (augas termais).

• Parques temáticos: diversións e atraccións organizadas.

Efectos do turismo

• Positivos.

• Ingresos elevados no país receptor.

• Creación de postos de traballo, moitos en temporada estival.

• Dinamizador dos servizos do país: transporte, comercio...

• Intercambio cultural e aprendizaxe doutras linguas.

• Negativos.

• Eleva os prezos, favorece a especulación do solo.

• Crea traballos pouco cualificados e precarios: baixo salario e curta duración.

• Gran impacto ambiental, con prexuízo para o medio natural.