1.2 O sector primario

O sector primario abrangue as actividades que tratan de conseguir alimentos e outras materias primas; é dicir, a agricultura, a silvicultura, a gandaría, a apicultura, a caza, a pesca, a acuicultura e a minaría.

 Ata hai pouco tempo, aínda hoxe en países pouco desenvolvidos, a agricultura constituía a riqueza fundamental dos pobos. Era a base da economía. Hoxe, o papel económico da agricultura non é tan fundamental, pero ten importancia notable como fonte de alimentación humana, como subministradora de materias primas industriais e polo número de agricultores.

 A gandaríaestá moi unida á agricultura. A maior parte das rexións agrícolas son tamén gandeiras. Con todo, a extensión da gandaría é meirande ca a da agricultura.

 A actividade pesqueiraé importante pola masa de proteínas que extrae do mar, polos procesos industriais que leva parellos e polo volume de emprego que xera.

Así, a pesca mantén relacións intersectoriais con industrias auxiliares (construción naval, carburantes e equipamento pesqueiro) e con industrias complementarias (conservación, transformación e distribución do peixe), decisivas no sistema produtivo.

 En todo o mundo hai no subsolo grandes reservas de materias primas necesarias para o mantemento da industria, como ferro, cobre, bauxita ou estaño. Do subsolo obtéñense tamén recursos enerxéticos necesarios á actividade industrial, como carbón ou petróleo. De aí a grande importancia da minaría.O coñecemento do subsolo revela a existencia de rochas, minerais e fontes de enerxía, susceptibles de seren explotadas industrialmente.

Sector primario:  Agricultura, Gandaría, Silvicultura ,Acuicultura,  Apicultura, Caza, Pesca, Minaría