1.4.4 Educación

Moitas leis recoñecen o dereito á educación de todos os cidadáns do mundo, pero iso non se cumpre sempre.

Artigo 26

• 1. Todas as persoas teñen dereito á educación. A educación debe ser gratuíta, polo menos no concernente á instrución elemental e fundamental. A instrución elemental será obrigatoria. A instrución técnica e profesional haberá de ser xeneralizada; o acceso aos estudos superiores será igual para todos, en función dos méritos respectivos.

• 2. A educación terá por obxecto o pleno desenvolvemento da personalidade humana e o fortalecemento do respecto aos dereitos humanos e ás liberdades fundamentais; favorecerá a comprensión, a tolerancia e a amizade entre todas as nacións e todos os grupos étnicos ou relixiosos [...]

Declaración universal dos dereitos humanos

Artigo 27

• 1. Todos teñen o dereito á educación. Recoñécese a liberdade de ensino.

• 2. A educación terá por obxecto o pleno desenvolvemento da personalidade humana no respecto aos principios democráticos de convivencia e aos dereitos e liberdades fundamentais.

• 3. Os poderes públicos garanten o dereito que asiste aos pais para que os seus fillos reciban a formación relixiosa e moral que estea de acordo coas súas propias conviccións.

Constitución Española. 1978