Se ten acceso a internet, vexa o vídeo que leva por título A forza do vento. Logo, busque o vídeo na páxina e descárgueo no seu computador para poder velo.
Actividade proposta
Actividades propostas
S7. Responda ás cuestións:
Cal é o tema principal de cada texto (2.7 e 2.8)?
Estes dous textos son instrutivos. Diga o por que tendo en conta a teoría estudada na unidade.
Tema principal:
Texto 2.7. Os ingredientes necesarios e as instrucións precisas para a elaboración da receita Arroz caldoso con lumbrigante.
Texto 2.8. No vídeo explícasenos como se obtén a enerxía eólica e cal é o proceso de transformación ata chegar aos nosos fogares.
Textos son instrutivos.
Texto 2.7. É instrutivo porque indica os ingredentes necesarios e dá instrucións seguindo unha orde rigorosa dos pasos concretos da elaboración da receita, neste caso emprégase a numeración. Uso do presente de indicativo (1ª persoa do plural), oracións sinxelas e linguaxe clara e precisa. As instrucións apóianse na imaxe da receita que acompaña o texo.
Texto 2.8. É instrutivo; explícase con lingauxe clara e precisa como funciona un proceso paso a paso: a obtención de enerxía eólica e a transformación en eléctrica. Ademais, o explicado pola voz narradora vese apoiado e reforzado polos exemplos audiovisuais presentes no vídeo.
S8. Redacte un breve texto instrutivo escollendo algún destes temas: como funcionar nun caixeiro automático; que é a aspirina e regras para tomala.
Modelo de resposta: como funcionar nun caixeiro automático
Pase a tarxeta pola fenda que se atopa xunto á porta vidrada do banco na posición sinalada na imaxe. Agarde a que se acenda a luz e prema na porta.
Insira a tarxeta na rañura sinalada, na posición correcta (ver ilustración).
Poña o seu código de seguridade, logo de que lle sexa solicitado na pantalla. Deseguido prema o botón confirmar.
Seleccione a operación.
Seleccione "finalizar operación".
No caso de realizar unha extracción, retire o diñeiro.
Retire o comprobante da operación e logo a tarxeta.