2.3 Comunicámonos co mundo

Comunicámonos co mundo

Imaxine unha amiga súa que vive e traballa no estranxeiro, concretamente, en Suíza. No tempo libre que ten acode a clases de lingua alemá para aprender o idioma.

Un día a profesora pídelle ao alumnado que realice un traballo; para cada alumno e alumna os obxectivos son diferentes. Á súa amiga pídenlle que realice un que verse sobre un aspecto da vida cotiá de Galicia e sobre un escritor contemporáneo, pero ela, ao estar fóra, atópase un pouco perdida e envíalle un correo electrónico pedíndolle axuda para que a guíe, lle indique ou lle propoña ideas para ese traballo. Vostede decide axudala.

Para iso, primeiro debe procurar información adecuada ao que ela lle pide, resumila despois e explicarlle un pouco de que se fala. Finalmente, poderá enviarlle o correo electrónico e ela poderá realizar o traballo satisfactoriamente.

Daquela, busque e atope estes dous textos sobre os temas propostos pola súa amiga. Léaos e realice despois as actividades propostas.