No Antigo Exipto

Os sacerdotes e as sacerdotisas

 O saber e o coñecemento estaba nas súas mans. Tiñan moito poder e influencia xa que as persoas crían que tiñan poderes máxicos.

Os escribas

Eran funcionarios que se dedicaban a tarefas de administración. Para conseguir o seu posto tiveran que formarse e estudar moito, polo que eran moi valorados socialmente.

As mulleres

As mulleres en Exipto non gozaban dunha situación de igualdade social coma os homes, pero tiñan certos dereitos que facían que a súa situación fose mellor que en calquera das outras sociedades antigas e que en moitas outras sociedades posteriores. Recordade que non todo avance no tempo significa progreso.

Eses dereitos eran:

- Posuír bens baixo o seu nome.

- Rexentar negocios.

- Divorciarse.

- Herdar bens.

Como consecuencia disto, houbo varias mulleres que exerceron por dereito propio o cargo de faraón: Sobeknefrure, Hatshepsut, Nefertiti ou a última faraona de Exipto antes de  ser conquistada polos romanos, Cleopatra.

Mesopotamia

Enheduana

Filla do rei Sargón I. Foi a primeira escritora da Historia que coñecemos polo seu nome, escribiu moitos poemas e oracións e foi unha sacerdotisa moi poderosa. Se queres saber algo máis sobre ela, preme aquí.

A orixe das leis

Mesopotamia estivo formada por grandes cidades que albergaban a moitas persoas o que facía que houbese conflitos entre elas a diario, isto deu lugar á  invención das leis que se puideron rexistrar por escrito por primeira vez na Historia. O conxunto de leis máis antigo foi o de Ur-Nammu, rei de Ur, que solucionaba case todas as situacións co pago de prata ou coa pena de morte. Tempo despois, en Babilonia, o rei Hammurabi, quixo asegurarse que se trataba a todo o mundo con xustiza e mandou elaborar un novo código legal -o código de Hammurabi-, onde se especificaba moitas situación diferentes e o proceder que había que seguir ante cada unha. O código de Hammurabi é o conxunto de leis escritas máis antigo conservado no mundo (1750 a. C.). Podes atopalo no museo  Louvre.

Sistema de castas:

Os brahmans

Os sacerdotes, o seu papel social é o máis importante.

Os chatrias

Nobreza e persoas guerreiras, poder político.

Os vaishyas

Comerciantes, persoas gandeiras, artesás...

Os shudras

Dedicados a servir o resto das castas, a maioría dedícanse á agricultura.

As persoas que non pertencen a ningunha casta

Os dálit

As persoas oprimidas, as “impuras” e chamadas de forma pexorativa “intocables”. Estas persoas sufrían moita marxinación e discriminación.

Ruta da seda

A seda

Así, o principal produto que viaxa dende China era a seda, o que fixo que ao longo dos séculos se lle acabase chamando a estas vías a “Ruta da Seda”.

Conectaba oriente con occidente

En realidade, aproveitábanse rutas comercias establecidas xa antes pola poboación persa e a ruta conectaba oriente con occidente, dende China, pasando por India, Mesopotamia, baixando a Exipto e chegando a Europa.

Estivo activa ata 1453

Esta ruta estivo activa ata que en 1453 a poboación turca otomá conquistou Constantinopla, o que motivou a creación de novas rutas mariñas que acabaron favorecendo a chegada das persoas europeas a América.