Definición:
Conxunto de bens ou actividades que forman a riqueza dun territorio ou sociedade.
Exemplo:
A economía viuse moi afectada pola crise do coronavirus.
Definición:
Conxunto de persoas que conviven baixo unhas normas comúns.
Exemplo:
As novas tecnoloxías cambiaron moito a sociedade.
Para completar esta fase da misión final, vas recibir unha información xeral sobre a economía e a sociedade das civilizacións que estamos estudando. Logo, serás enviado directamente a distintos puntos neurálxicos do saber antigo onde te atoparás con persoas que te recibirán e che contarán todo o que precisas saber. Estas persoas ofreceranche o seu saber a cambio do teu, ti tamén lle terás que contar como é a sociedade e a economía da túa civilización.
Vamos facer unha práctica sinxela, serías capaz de describir como é a sociedade e a economía do teu país/Unión Europea? Coñecer a sociedade e economía da túa cultura axudarache a comprender mellor a das civilizacións antigas para facer comparacións entre ambas e sacar conclusións propias.
Descarga dende aquí a ficha que cubrirás ao longo deste punto 3.2 e completa no cadro, de forma grupal, os apartados de "economía actual" e "sociedade actual".
Esta ficha axudaravos na consecución do reto.
Licenciado baixo a Licenza Creative Commons Atribución Non-comercial Compartir igual 4.0