Glosario
Cultura
-
Definición:
-
Enténdese por cultura o conxunto de coñecementos, crenzas e costumes dunha sociedade organizada.
-
Exemplo:
-
A cultura exipcia dáballe moita importancia aos ritos funerarios.
Civilización fluvial
-
Definición:
-
Con este termo referímonos ás sociedades que xurdiron na Antigüidade e se desenvolveron ao carón de grandes cursos de auga.
-
Exemplo:
-
As civilizacións fluviais da Antigüidade xurdiron en Exipto, ao longo do río Nilo, e en Mesopotamia, entre os ríos Tigris e Éufrates.
Idade Antiga
-
Definición:
-
É o período da Historia que abrangue dende a invención da escritura ata o inicio da Idade Media. En termos de anos, vai aproximadamente dende o 3500 a. C. ata fins do século V d. C.
-
Exemplo:
-
A Idade Antiga comezou coa invención da escritura cuneiforme polos sumerios en Mesopotamia.
Mesopotamia
-
Definición:
-
É unha rexión do Medio Leste situada entre os ríos Tigris e Éufrates. Na actualidade corresponde ao territorio de Iraq.
-
Exemplo:
-
“Mesopotamia” vén do grego e significa “Terra entre ríos”.
ODS
-
Definición:
-
Os Obxectivos de Desenvolvemento Sostible (ODS) constitúen un chamamento universal á acción para poñer fin á pobreza, protexer o planeta e mellorar as vidas e as perspectivas das persoas en todo o mundo. En 2015, todos os Estados Membros das Nacións Unidas aprobaron 17 Obxectivos como parte da Axenda 2030 para o Desenvolvemento Sostible, na cal se establece un plan para alcanzar os Obxectivos en 15 anos.
-
Exemplo:
-
O obxectivo número 1 dos ODS 2030 é poñer fin á pobreza en todas as súas formas en todo o mundo.
