Definición:
Tipo de palabra que describe características (como o tamaño, as cores, a dureza...) de obxectos representados por substantivos, aos que acompaña concordando en xénero e número.
Exemplo:
Algúns adxectivos de tamaño son: grande, mediano, pequeno...
Chegou o momento de poñer en marcha toda a vosa imaxinación e habilidades! O noso reto final lévanos a deseñar un proxecto para un videoxogo único, co que daremos voz ao coidado do medio ambiente e á protección da nosa contorna. Este será un traballo de equipo onde a creatividade, a reflexión e a colaboración serán os vosos mellores aliados.
Neste proxecto, desenvolveremos:
As personaxes: daredes vida a protagonistas únicos, describindo tanto como son por fóra como por dentro: a súa aparencia, carácter e o seu papel na historia, recordade empregar os adxectivos estudados neste tema.
O escenario: escollede un lugar especial da vosa contorna (praia, bosque, vila…) e recreádeo cunha descrición rica en detalles e cunha reflexión sobre os retos ambientais que enfronta.
A historia e os diálogos: contádenos unha pequena aventura onde as personaxes transmitan unha mensaxe clara e positiva a través dos seus diálogos e accións.
A vosa misión será presentar este proxecto en formato papel, empregando fichas que vos axudarán a organizar as vosas ideas. E se o tempo nolo permite, como reto adicional, poderemos transformar todo o que imaxinastes nun videoxogo real en Scratch!
Estades preparados/as para crear unha aventura que marque a diferenza? Pois a por iso!
Imos co reto final!
Deseñaremos un proxecto para un videoxogo.
Será sobre o coidado do medio ambiente.
Incluiremos as personaxes.
Describiremos o escenario do xogo.
Escribiremos unha historia co seus diálogos.
Presentaremos todo en fichas en papel.
Se sobra tempo, programaremos o videoxogo en Scratch.
Estades preparados/as?
Para o produto final deste reto, podes escoller entre varias opcións, segundo o que máis che guste facer ou o que se che dea mellor. Cada opción está pensada para que poidas aprender e participar dun xeito que se adapte a ti:
Ficha ou presentación dixital: Se che gusta organizar as ideas con claridade e ter todo ben colocado, esta opción é perfecta. Poderás mostrar o que aprendiches dun xeito visual e ordenado.
Mural ou cartel explicativo: Se prefires expresar as túas ideas combinando texto, debuxos e imaxes, esta é a túa oportunidade. Ademais, esta é unha boa maneira de facer visible o voso traballo conxunto.
Videoxogo en Scratch: Se queres ir un paso máis alá e che gusta programar ou crear xogos, podes facer un videoxogo. Así desenvolverás o teu pensamento lóxico e a túa creatividade.
Vídeo narrativo ou viral: Se che apaixona contar historias, gravar vídeos ou comunicar a través das redes, esta opción permíteche crear un vídeo que impacte. Iso si, terás que planificar, escribir un guión e editar.
Podes elixir a opción que máis se adapte a ti, aos teus gustos, ás túas habilidades e ao que queiras facer. Cada opción ten o seu valor e todas son boas para expoñer o proxecto do grupo. Con este enfoque, todos e todas podedes aprender e participar, sentíndovos motivados e valorados.
Así, grazas a este enfoque multinivel, conseguimos que cada persoa do grupo poida aprender ao seu ritmo, de forma inclusiva, motivadora e con sentido.
Para o teu traballo final, podes elixir a opción que máis che guste ou se che dea mellor entre:
Ficha ou presentación dixital: para organizar ideas.
Mural ou cartel explicativo: combinando texto e imaxes.
Videoxogo en Scratch: se che gusta programar e es creativo/a.
Vídeo viral: se che gusta contar historias.
Todas as opcións son boas e permiten que cada persoa aprenda ao seu ritmo e dun xeito que a motive.
Reflexionade nos grupos sobre como queredes que sexa o proxecto do voso videoxogo. Opinade con respecto, escoitade as ideas do resto e alcanzade un acordo sobre como será o produto final.
Pensade en:
Reflexionade en grupo sobre o proxecto do voso videoxogo.
Opinade con respecto e escoitade as ideas de todos/as. Chegade a un acordo sobre como será o voso proxecto final.
Pensade en:
Lembrade que o voso videoxogo debe:
Que non queremos no noso videoxogo:
Lembrade dúas ideas clave:
| Nivel 1 (Excelente) | Nivel 2 (Bo) | Nivel 3 (Aceptable) | Nivel 4 (Insuficiente) | |
|---|---|---|---|---|
| Descrición das personaxes (narración) | Ben desenvoltas, con descrición física e de personalidade completas e detalladas. Creativas e orixinais. (2) | Desenvoltas, incluíndo aspectos básicos de descrición física e personalidade, pero cun detalle aceptable. (1.75) | Inclúen descrición básica pero faltan detalles ou orixinalidade. Non destacan na súa función no videoxogo. (1.50) | Escasas ou incompletas. Non se inclúen detalles relevantes nin se define a súa función no videoxogo. (1.25) |
| Descrición do escenario | Completa, detallada e rica en elementos descritivos. Representa ben a contorna local e destaca a problemática ambiental. (2) | Inclúe os elementos principais e detalla a problemática ambiental de forma aceptable. (1.75) | Inclúe os elementos básicos pero con pouca profundidade ou sen destacar aspectos ambientais.X (1.50) | É incompleta, sen detalles significativos ou sen tratar a problemática ambiental. (1.25) |
| Historia e diálogos | Narrativa ben estruturada, interesante e coherente. Os diálogos son claros e transmiten a mensaxe ambiental. (2) | A narrativa é coherente e os diálogos achegan a mensaxe ambiental, aínda que con menor profundidade. (1.75) | A narrativa ten certa coherencia pero carece de fluidez ou os diálogos son básicos. (1.50) | A historia é confusa ou pouco clara. Os diálogos son irrelevantes ou escasos. (1.25) |
| Creatividade e presentación e diálogos sobre actividades, produtos e lugares | Proxecto atractivo, ben presentado e con debuxos/ilustracións que enriquecen o contido. (2) | Proxecto ben presentado, aínda que con poucos elementos visuais ou creativos. (1.75) | Proxecto aceptable pero con erros na organización ou pouco atractivo visual. (1.50) | Proxecto desorganizado ou visualmente pouco atractivo. Faltan elementos creativos. (1.25) |
| Ortografía e corrección e lexibilidade | Textos claros, sen erros ortográficos nin gramaticais. (2) | Textos claros, pero con algún erro que non dificulta a comprensión. (1.75) | Textos con erros que dificultan lixeiramente a lectura. (1.50) | Textos con erros frecuentes que dificultan moito a comprensión. (1.25) |
Licenciado baixo a Licenza Creative Commons Atribución Non-comercial Compartir igual 4.0