Orientacións
Para continuar co noso reto debemos escribir correctamente, empregando diferentes tipos de textos e aplicando a cada tipo de texto a súa estrutura correcta.
Como o imos facer?
Para deseñar a nosa misión temos que:
- Dar a coñecer o problema que detectamos na nosa contorna na fase un.
- Describir o escenario e os personaxes (empregando adxectivos e comparacións).
- Narrar a misión do videoxogo.
- Escribir os diálogos entre os personaxes.
- Exposición, explicar ao resto da clase cal foi o xogo que creamos e como o fixemos.
- Escribir unha mensaxe para tratar de convencer o xogador da importancia de protexer o medio natural.
Lectura facilitada
Para continuar co reto tes que escribir correctamente,
debes empregar os diferentes tipos de textos
e aplicar a cada tipo de texto a súa estrutura correcta.
Como o vas facer?
Para deseñar a misión tes que:
1. Dar a coñecer o problema que detectaches na túa contorna na fase 1.
2. Describir o escenario e os personaxes
(lembra empregar adxectivos e comparacións).
3. Narrar a misión do videoxogo.
4. Escribir os diálogos entre os personaxes.
5. Expoñer, explicar ao resto da clase
cal foi a misión que creaches e como o fixeches.
6. Escribir unha mensaxe para tratar de convencer
o xogador da importancia de protexer o medio natural.