Sistema de gravación e reprodución de imaxes que poden ir acompañadas de sons a través de medios electrónicos ou un proceso televisivo.
Exemplo:
Imos gravar un vídeo para motivar a coidar o medio ambiente.
Videoxogo
Definición:
Aplicación informática interactiva que se mostra nunha pantalla e coa que unha ou varias persoas poden recrear diferentes actividades lúdicas ou de entretemento. Os xogadores participan activamente nun entorno virtual.
Exemplo:
Teño un novo videoxogo sobre a reciclaxe e non contaminación.
O noso reto: concienciar para coidar o medio ambiente
Unha boa combinación entre creatividade e tecnoloxía da lugar a converterse nun bo ou boa deseñador ou deseñadora de misións para un videoxogo propio, creado a partir dunha inquedanza común que cada día nos preocupa máis, polo que queremos traballar a concienciación medioambiental e a importancia de coidar os ecosistemas cumprindo co ODS 15.
O noso reto será escoller un ecosistema da nosa contorna (un monte, unha praia, un río…) e crear unha proposta para concienciar á xente sobre a importancia de recoller lixo e coidar a natureza. Poderedes elixir entre dous produtos finais:
Un proxecto de videoxogo, no que contedes unha historia sobre como axudar a mellorar ese ecosistema.
Un vídeo viral, pensado para redes sociais, co obxectivo de animar á xente nova a coidar o medio ambiente.
Para acadar este reto, traballaremos paso a paso nos seguintes desafíos:
Primeiro reto:
Describir as personaxes e o escenario
Imos comezar por coñecer as bases para crear personaxes interesantes e escenarios ricos en detalles. A vosa primeira tarefa será:
Crear personaxes que participen no videoxogo ou no vídeo. Describir o ecosistema que quere ser protexido, destacando os problemas que enfronta.
Segundo reto:
Construír unha historia atractiva
Traballaremos para crear unha historia que transmita unha mensaxe clara e atractiva. Neste reto, deberedes:
Escribir unha narrativa breve que inclúa os diálogos das personaxes. Asegurarvos de que a mensaxe principal está relacionada coa concienciación ambiental.
Terceiro reto:
Dar forma ao proxecto final
Elaborar as fichas en papel que recollan toda a información do proxecto. Opcionalmente, se o tempo o permite, crear o videoxogo en Scratch ou gravar o vídeo para redes sociais.
Reto Final
Presentar o proxecto
Presentarás o teu proxecto facendo unha presentación en Impress na clase para todas as túas compañeiras e compañeiros.
Preparados e preparadas para comezar? Este será un traballo colaborativo, onde cada un/unha de vós xogará un papel importante para lograr o mellor resultado. O voso esforzo pode marcar a diferenza para o noso planeta!
Lectura facilitada
Escollede un ecosistema preto de vós (un monte, unha praia, un río…).
Poderedes crear:
Un proxecto de videoxogo con unha historia para protexer o ecosistema.
Un vídeo viral para motivar á xente nova a coidar a natureza.
Retos que faremos:
Primeiro reto:
Crear personaxes interesantes.
Describir o ecosistema e os problemas que ten.
Segundo reto:
Escribir unha historia coas personaxes.
Incluír unha mensaxe para coidar o medio ambiente.
Terceiro reto:
Organizar o proxecto en fichas.
(Se temos tempo) Programar o videoxogo en Scratch ou gravar o vídeo.
Traballaremos en equipo para lograr o noso obxectivo: concienciar sobre a importancia de coidar o planeta!
Audio
Que conseguirás ao finalizar o reto?
Coñecer e aplicar os elementos necesarios para crear unha narrativa ou un vídeo que transmita unha mensaxe clara e atractiva.
Comprender a importancia de protexer os ecosistemas a través da reflexión sobre problemas ambientais locais e globais.
Adquirir hábitos de traballo en equipo, aprendendo a respectar as ideas e decisións de todos os membros do grupo.
Desenvolver habilidades creativas para deseñar personaxes, escenarios e historias que promovan a concienciación ambiental.
Realizar un seguimento do proceso mediante o diario de aprendizaxe, que axudará a reflexionar e a avaliar o voso progreso no reto.
Crear un proxecto final (videoxogo ou vídeo viral) que poida inspirar á comunidade a actuar para coidar o medio ambiente.
Lectura facilitada
Aprender a crear unha historia ou un vídeo cunha mensaxe clara.
Coñecer como protexer a natureza e os ecosistemas.
Traballar en equipo respectando as ideas dos compañeiros/as.
Inventar personaxes, escenarios e historias sobre o medio ambiente.
Usar un diario de aprendizaxe para reflexionar e mellorar.
Presentar un proxecto final (videoxogo ou vídeo viral) para motivar a coidar o planeta. Traballar en grupo.
Audio
Acode ao diario de aprendizaxe
Acode ao diario de aprendizaxe e plasma aí as primeiras reflexións sobre o aprendido. Cubre coa túa información.
Lectura facilitada
Escribe no apartado da Fase 1 do teu Diario de Aprendizaxe.
