Saltar navegación

Os minerais na vida cotiá

Para que usamos os minerais no día a día?

Pictograma de tecnoloxía

Os minerais están en todas partes! Sen eles, non poderiamos construír edificios, fabricar obxectos tecnolóxicos ou producir enerxía. Algúns exemplos dos seus usos son:

Minerais metálicos

Son minerais de mena, aqueles dos que se obtén algún metal:

  • Esfalerita (Zinc, Zn): para fabricar latón (aleación con cobre) e no galvanizado de ferro ou aceiro, evitando a súa corrosión.
  • Calcopirita (Cobre, Cu): emprégase na fabricación de cables eléctricos e tamén en funxicidas agrícolas.
  • Galena (Chumbo, Pb): úsase en baterías e para protección contra radiacións.
  • Hematita (Ferro, Fe): produción de aceiro.

Mostra de esfarelita Mostra de calcopirita Mostra de galenaMostra de hematita Torres de alta tensión transportando electricidade Transporte ferroviario de aceiro

Minerais industriais

Son minerais non metálicos que se utilizan directamente na industria pola súa composición ou propiedades.

  • Calcita: un dos compoñentes empregados na fabricación de cemento.
  • Xeso: usado na produción de escaiola e como regulador do fraguado do cemento.
  • Arxilas: para fabricar ladrillos e tellas.
  • Cuarzo: fabricación de vidro, paneis fotovoltaicos ou compoñentes electrónicos.

     Mostra de calcita Mostra de xeso Varias casas con tellados de tella

    Paneis solares sobre unha azotea Fábrica de cemento en Tudela Veguín, Oviedo  

    Minerais para produción de enerxía

    • Uraninita ou pechblenda: fonte principal de uranio, combustible nas centrais nucleares.

    Uraninita ou pechblenda  Central Nuclear de Cofrentes, Valencia

    Minerais na xoiería

      • Diamante, esmeralda, rubí, zafiro ou topacio: moi valiosos para a fabricación de xoias e obxectos de luxo.

       Xoia do século XIX con diamantes, esmeraldas e perlas Xema de rubí tallado con inclusións Anel de zafiro de Ceilán Gargantilla de topacios do século XVIII   

      Minerais na industria alimentaria

          • Halita: o sal común emprégase na conservación e condimentación de alimentos.
          • Magnesita: produción de produtos químicos e industriais como fertilizantes ou na alimentación animal.

      Halita ou sal de mesa Magnesita

       

      Hai moitos máis exemplos!

      Se queres afondar un pouco máis, aquí tes outros exemplos:

      • Ouro: emprégase en xoiería, reserva monetaria, electrónica e incluso en medicina.
      • Casiterita: serve para obter estaño (Sn), moi común nas soldaduras.
      • Grafito: en minas de lapis, como lubricante ou en compoñentes industriais.
      • Fluorita: para reducir o punto de fusión do aceiro.
      • Caolinita: na porcelana e na industria papeleira.
      • Feldespatos: na industria cerámica.

       Lingotes de ouro de 1 kg Mostra cúbica de fluorita Fonte de porcelana do século XIX  

       

      E os minerais estratéxicos?

      Algúns minerais teñen a súa consideración de estratéxicos pola súa importancia en sectores económicos claves, como a industria electrónica ou na transición enerxética. Por exemplo:

      • Da espodumena obtense litio (Li), elemento químico empregado na produción de baterías.
      • Do coltán (asociación de dous minerais, columbita e tantalita), conséguese Niobio (Nb) e Tantalio (Ta), elementos químicos moi necesarios na fabricación de compoñentes electŕonicos de teléfonos móbiles ou tabletas.

      Coche eléctrico cargando a batería Mostra de coltán Ordenador, tableta e teléfono intelixente

      Feito con eXeLearning (Nova xanela)