Mapear os tesouros xeolóxicos
Unha vez seleccionados os puntos de interese, é momento de rexistralos nun mapa e difundir información sobre eles.
Os pasos son os seguintes:
Paso 3
Identificar os puntos de interese nun mapa ou plano
Identificaredes e localizaredes todos eses puntos interesantes nun plano ou mapa da vosa vila ou cidade, marcando con claridade a súa situación exacta.
Paso 4
Elaborar unha ficha con información de cada lugar
Crearedes unha ficha informativa para cada un dos lugares seleccionados, engadindo información relevante: localización, que se pode ver, interese xeolóxico e curiosidades.
Lectura facilitada
Cando xa teñades escollidos os lugares de interese,
é momento de poñelos nun mapa
e de compartir información sobre eles.
Paso 3
Marcar os puntos nun mapa ou plano
Debedes localizar todos os lugares interesantes
nun mapa ou plano da vosa vila ou cidade.
É importante marcar ben onde está cada un.
Paso 4
Crear unha ficha con información de cada lugar
Faredes unha ficha para cada lugar,
onde describir a información máis importante:
- Onde está.
- Que se pode ver.
- Por que é interesante en xeoloxía.
- Algunha curiosidade que queirades contar.