Retomando o reto...
Agora que xa estudastes as rochas, os minerais e a importancia dos xeoparques, chegou o momento de poñer en práctica todo o que aprendestes.
Recuperamos o reto co que comezamos: crear un xeoparque local que mostre a riqueza xeolóxica do voso territorio.
Para facer o voso proxecto máis especial, animámosvos a elixir un nome orixinal e único para o voso xeoparque, igual que os grandes xeoparques do mundo!
Ademais, cada curso podedes continuar ampliando o voso xeoparque, engadindo novos puntos de interese e creando novos roteiros.
Así, pouco a pouco, construiredes un proxecto colectivo que medre ano a ano e que poña en valor a riqueza xeolóxica da contorna.
Un xeoparque vivo, en constante evolución, que reflicta todo o que ides aprendendo.
Lectura facilitada
Agora que xa sabedes máis sobre as rochas, os minerais e os xeoparques,
é hora de poñer en práctica todo o aprendido.
Volvemos ao reto inicial:
crear un xeoparque local
que amose a riqueza xeolóxica da vosa zona.
Para facer o proxecto aínda máis especial,
animámosvos a poñerlle un nome orixinal e único,
como fan os grandes xeoparques do mundo.
Ademais, cada curso podedes facer medrar o voso xeoparque.
Podedes engadir novos lugares interesantes
e crear máis roteiros.
Desta forma, paso a paso,
construiredes un proxecto conxunto
que medra cada ano
e que amosa a riqueza xeolóxica da contorna.
Será un xeoparque vivo,
que cambia e mellora co tempo,
e que reflicte todo o que ides aprendendo.
Que riscos ou desafíos cres que habería ao crear un xeoparque local?