7. Glosario

A

• Axitación térmica

Movemento desordenado das partículas que forman un corpo.

• Ángulo central

É o ángulo formado por dous raios calquera dunha circunferencia con vértice no centro desta.

• Ángulos consecutivos

Os que teñen o vértice e un lado común.

• Ángulos adxacentes

Ángulos consecutivos que forman un ángulo plano.

• Ángulos opostos polo vértice

Nos que os lados dun ángulo son prolongación dos lados do outro e polo tanto son iguais.

C

• Cambio de estado

Proceso en que unha substancia pasa dun estado a outro, conservando a súa identidade.

D

• Densidade

Propiedade característica da materia que indique a relación entre a masa e o volume dun corpo ou sistema material.

• Destilación

Operación consistente en separar un ou máis líquidos volátiles (que pasan a vapor) doutras substancias non volátiles mediante evaporación e posterior condensación.

• Dilatación

Proceso de aumento do volume que experimenta a materia ao aumentar a temperatura.

E

• Estado da materia

Cada unha das formas, sólida, líquida ou gasosa en que se presenta a materia. Tamén pode denominarse estado de agregación ou estado físico.

F

• Fluído

Substancia en estado líquido ou gasoso.

G

• Goniómetro

Aparello de grande precisión utilizado para medir ángulos.

M

• Masa

Propiedade xeral que mide a cantidade de materia dun corpo ou sistema material.

• Materia

Todo aquilo que ocupa un lugar no espazo e ten masa.

P

• Presión atmosférica

Presión que exerce a atmosfera sobre todos os corpos inmersos nela.

• Propiedade característica

Propiedade da materia que permite diferenciar substancias entre elas.

• Propiedade xeral

Propiedade da materia que non permite diferenciar substancias entre elas.

S

• Sistema material

É unha porción da materia que se illa para o seu estudo.

• Sublimación

Cambio de sólido a gasoso sen pasar polo estado líquido. Tamén se lle denomina sublimación ao proceso inverso.

• Substancia

Clase de materia caracterizada por unha propiedades específicas, como a densidade ou a temperatura de fusión e ebulición.

• Segmento

Porción de recta comprendida entre dos puntos desta.

T

• Temperatura

Magnitude física que caracteriza o nivel de axitación térmica dun corpo.

• Transportaador

Semicírculo graduado utilizado para medir ángulos con escasa precisión.

• Termoestable

Plástico que logo conformado, non se pode volver a moldear, xa que se descompón: formica, baquella, etc

• Termoplásticos

Plásticos que ao quecer abrandan, polo que son doademente moldeables: polietileno, poliuretano, PVC, metacrilato.......

V

• Volume

Espazo que ocupa un corpo.