2.2.2 Operacións con ángulos

	Suma A suma de dous ángulos equivale a situalos un deseguido do outro de xeito que teñan un lado e o vértice común. O ángulo suma é o formado polos lados non comúns.
	Resta Para restar dous ángulos colócanse superpostos de xeito que teñan un lado e o vértice común. O ángulo diferenza é o formado polos lados non comúns.
	Multiplicación por un número natural O produto dun ángulo por un número natural equivale á suma do mesmo ángulo tantas veces como indica o número.
	División por un número natural Ao dividir un ángulo entre un número natural obtense un ángulo tantas veces máis pequeno como indica o número.

Operando coa calculadora

Para efectuarmos operacións de ángulos debemos utilizar a calculadora científica. Aínda que pode cambiar a súa aparencia en función da marca, as calculadoras científicas adoitan ter unha tecla semellante a esta:

Ao premermos a tecla indicámoslle á calculadora que os números que estamos a introducir corresponden a medidas de ángulos. Por exemplo, para introducir o ángulo 20º 35’ 42’’ en forma complexa, premeremos a seguinte secuencia de teclas:

20º 35’ 42’ → 20 35  42  → 20, 595

O número 20, 595 que aparece na pantalla é o ángulo 20º 35’ 42’ expresado en forma incomplexa de graos.

Para o visualizar en forma complexa premeremos as teclas e  deste xeito:

20, 595 →  → 20º 35º 42º

Aínda que na pantalla aparecen todas as unidades expresadas en graos, a calculadora recoñéceas correctamente como o ángulo 20º 35’ 42’.

• Suma. Para efectuar a suma 20º 35’ 42’’ + 50º 40’ 10’’ coa calculadora premeremos a seguinte secuencia de teclas:

20  35  42  + 50  40  10  71, 264...→  → 71º 15º 52º, equivalente a 71º 15’ 52’’

• Resta. Para efectuar a resta procederemos de xeito semellante. Por exemplo, fagamos a seguinte operación: 75º 23’ 50’’ - 20º 48’ 13’’

75  23  50  - 20  48  13   54, 59361...→  → 54º 35º 37º, equivalente a 54º 35’ 37’’

• Multiplicación por un número natural. Calculamos 27º 42’ 35’’ x 3

  27  42  35  x 3  83, 12916...→  → 83º 7º 45º, equivalente a 83º 7’ 45’’

• División entre un número natural. Calculamos 52º 25’ 38’’ : 4

52 25 38   : 4 13, 1068...→   → 13º 6º 24, 5º, equivalente a 13º 6’ 24, 5’’