2.2.4 Relacións entre ángulos
- Consecutivos e adxacentes. Dous ángulos son consecutivos cando teñen o vértice e un lado común. Se os lados non comúns forman un ángulo plano os ángulos chámanse adxacentes.
-
Ángulos consecutivos
Ángulos adxacentes
- Complementarios e suplementarios. Dous ángulos son complementarios se a súa suma é un ángulo recto (90º), e suplementarios se a suma é un ángulo plano (180º).
-
Ángulos complementarios
Ángulos suplementarios
-
Opostos polo vértice. Dous ángulos son opostos polo vértice se os lados dun son semirrectas opostas aos lados do outro. Dous ángulos opostos polo vértice son iguais. Observe na figura que os ángulos adxacentes a eles tamén son opostos polo vértice e, polo tanto, iguais.
-
Ángulos opostos polo vértice
Repare nos seguintes pares de ángulos, que teñen os lados situados sobre rectas paralelas ou coincidentes.
Os ángulos 
e 
teñen dous lados paralelos e os outros dous situados sobre a mesma recta. Como consecuencia, ambos ángulos son iguais: 
. Polo mesmo motivo, 
.
Actividades resoltas
Observe as seguintes figuras e calcule o valor dos ángulos indicados en cada unha (xustifique os valores obtidos).
-
O ángulo a mide tamén 50º, xa que ten un lado coincidente con este e o outro lado paralelo.
O ángulo b mide 50º, xa que é oposto polo vértice ao ángulo a
O ángulo a mide 130º, xa que ten un lado coincidente con este e o outro lado paralelo.
O ángulo b e suplementario do ángulo a=130º. Daquela b= 180º-130º=50º.
O ángulo suplementario de a mide 60º, xa que ten un lado coincidente con este e o outro é paralelo.
Daquela a= 180º-60º=120º
O ángulo b mide 60º, xa que é oposto polo vértice ao ángulo a.
Actividades propostas
S7. Complete cada frase coa palabra correspondente.
S8. Responda ás seguintes cuestións:
-
Cantos graos miden tres ángulos rectos?
E medio ángulo recto?
Cantos ángulos rectos son 360º?
Licenciado baixo a Licenza Creative Commons Recoñecemento Non-comercial Compartir igual 3.0