2.3.8 Densidade

É a magnitude que mide, en certo modo, o “concentrada” que está a masa nun corpo. Por exemplo, o chumbo ten densidade maior que a da madeira. Isto quere dicir que, se collemos dúas bólas de igual volume de chumbo e de madeira, a de chumbo ha ter unha masa maior. A densidade dunha substancia é unha magnitude derivada e expresa a relación entre a masa e o volume dun corpo. Exprésase matematicamente mediante esta fórmula:

Ou utilizando estes símbolos:

O valor da densidade dunha substancia non depende do tamaño da mostra que se utiliza; a densidade dunha pebida de ouro é a mesma que a densidade dun lingote de ouro.

Para cada substancia, a cantidade de masa que cabe nun volume concreto é única, e por iso a densidade é unha propiedade específica da materia

Xa que no SI a masa se expresa en kg e o volume en m³, a unidade da densidade nese sistema é kg/m³. Outras unidades moi usadas son os g/cm³ (1 g/cm³ = 1000 kg/ m³).

A densidade dos sólidos é, en xeral, maior que a dos líquidos, e a dos líquidos é maior que a dos gases. Velaquí algúns exemplos de densidades en distintos materiais: