2.3.4 Masa

A masa é a magnitude que expresa a cantidade de materia que ten un corpo. Mídese empregando balanzas. A unidade do sistema internacional é o quilogramo (kg).

Non se debe confundir masa e peso, xa que o peso é a forza con que a Terra atrae os corpos. Así, por exemplo, unha maleta que na Terra ten unha masa de 30 kg tamén ten na Lúa a mesma masa (pense que a maleta é a mesma). Porén, na Lúa o seu peso ha ser menor, xa que a Lúa é máis pequena que a Terra e, xa que logo, a súa gravidade tamén é menor. Como resultado...sería ben doado levarmos a maleta na Lúa!