2.1.1 Posicións relativas de dúas rectas no plano

Nun plano podemos trazar infinitas rectas. Segundo a posición que adopten as rectas poden ser secantes, paralelas ou coincidentes.

Secantes As dúas rectas teñen un punto en común	Paralelas Non teñen ningún punto en común	Coincidentes Teñen todos os puntos en común

Ao trazar unha recta nun plano, este queda dividido en dúas partes. Cada unha é un semiplano	Un caso particular de rectas secantes son as perpendiculares, que dividen o plano en catro rexións iguais

Vemos como trazar rectas paralelas e perpendiculares a unha recta r dada usando instrumentos de debuxo. Para que a recta pase por un punto P dado escorregamos o escuadro ata que o seu bordo coincida co punto dado