2.1.4 Os climas da Terra

Os climas, en xeral, correspóndense coas zonas climáticas: na zona tórrida predominan os climas cálidos; na zona temperada, os climas temperados; nas zonas polares, os climas fríos. Con todo, existen excepcións pola intervención doutros factores climáticos.

Climas da Terra

Climogramas

Son gráficos que representa a evolución das temperaturas e das precipitacións nun lugar determinado ao longo do ano. A temperatura exprésase en graos celsius e as precipitacións en milímetros.

Climogramas de distintos tipos de climas

Meteoroloxía

É a ciencia que estuda a atmosfera e osmeteoros ou fenómenos atmosféricos, como o vento, a chuvia, a neve, o arco da vella, o raio... É moi importante para a agricultura, para o turismo, a navegación aérea e marítima e para a pesca

Os meteorólogos utilizan aparellos que subministran datos para poder prognosticar con certa seguridade o tempo que haberá en períodos máis ou menos longos.

Os postos de observación e recepción de datos –estacións meteorolóxicas– sitúanse en puntos estratéxicos da superficie terrestre e en barcos meteorolóxicos. Tamén hai satélites artificiais especializados en análises e fotografías de fenómenos climatolóxicos que facilitan o labor das persoas que prognostican o tempo.

Os datos meteorolóxicos, como temperaturas, precipitacións, vento, humidade e presión atmosférica tabúlanse para estudar e predicir o tempo.

Aparellos meteorolóxicos

Os monzóns

Durante o verán as terras asiáticas manteñen sempre temperaturas superiores ás do océano Índico. Isto orixina unha zona permanente de baixas presións, que atraen os ventos cargados de humidade –monzóns de verán– procedentes do océano. É a estación das chuvias.

Pola contra, no inverno fórmanse as baixas presións no océano, por ter temperaturas máis altas cás do continente. En consecuencia, os ventos secos sopran constantes desde a terra ao mar –monzóns de inverno– . É a estación seca.

Mapa dos monzóns