1.4.2 - Hidrografía

Os ríos americanos son longos e caudalosos; teñen as cuncas máis amplas do globo. O Amazonas, o río máis caudaloso do mundo, desemboca nun grande estuario. A masa de auga doce penetra uns 40 km no Atlántico.

Algúns ríos teñen que salvar fortes desniveis e forman impresionantes fervenzas. En América do Norte destacan as do Niágara, entre os lagos Erie e Ontario. En Sudamérica, o Salto do Anxo, con case 1.000 m de altura.

• En América do Norte hai tres vertentes hidrográficas:
  • No Ártico desembocan os ríos que permanecen xeados boa parte do ano.
  • No Atlántico verten ríos moi longos e caudalosos: o San Lourenzo, nun grande estuario; o Missisipi e o río Grande, no golfo de México.
  • Ao Pacífico van os ríos máis curtos e de escaso caudal, xa que nacen nas montañas Rochosas, cerca do océano.
• En América do Sur hai dúas vertentes hidrográficas:
  • Ao Atlántico levan as augas ríos moi longos e caudalosos: Orinoco, Amazonas e os ríos Paraná, Paraguai e Uruguai, que forman o estuario do río da Prata.
  • No Pacífico desembocan ríos mais curtos e de forte pendente, pois os Andes están cerca do mar.

Lonxitude dos ríos americanos máis longos