1.1.5 - Lectura

Rías, ríos e cantís

Os fiordes de Noruega e as rías galegas non son accidentes xeográficos semellantes. As rías fórmanse a partir dun val fluvial asolagado polo mar. Os fiordes, en troques, a partir dun val glaciar. As rías teñen un perfil en V con ladeiras suaves. Os fiordes téñeno en U con ladeiras moi verticais. Tamén son diferentes polas súas dimensións.

 En Galicia, case todos os ríos son de réxime pluvial:o seu caudal depende fundamentalmente da chuvia. O caudal dos ríos galegos é relativamente uniforme ao longo do ano, xa que non hai grandísimas diferenzas na cantidade de chuvia das distintas estacións.

Os derramamentos das cadeas montañosas costeiras galegas chegan ata o mar e orixinan cabos. Ás veces, as caídas ao mar son impresionantes, como na Capelada, preto de cabo Ortegal, onde os cantís exceden os 600 m, case en vertical; son as escarpas máis elevadas de toda a costa occidental europea.

Perfís comparativos de val fluvial e de val glaciar

Lonxitude comparada dos principais ríos galegos