A nosa biblioteca
Toda gran viaxe comeza nun lugar especial… e a nosa non podía ser menos. A biblioteca do centro será o punto de partida da nosa aventura, ese espazo máxico onde habitan historias por descubrir e mundos por explorar.
Nesta primeira parada, visitaremos a biblioteca para escoller un conto que nos acompañará ao longo de toda a viaxe. Cada libro é unha porta aberta a novas emocións, ideas e aprendizaxes. Será a guía persoal e a fonte de inspiración para moitas das actividades que virán despois.
Nesta actividade, mergullaraste entre os estantes e escollerás ese conto que che fale ao corazón, que te faga soñar, rir ou pensar. Ese será o libro que analizarás, comprenderás e que mesmo che axudará a crear o teu marcapáxinas final.
Lembra: a biblioteca é moito máis ca un lugar cheo de libros. É un espazo de liberdade, descubrimento e viaxes infinitas.
Lectura facilitada
Toda gran viaxe comeza nun lugar especial, e a nosa tamén.
A biblioteca do centro será o noso punto de partida.
É un espazo máxico cheo de historias por descubrir e mundos por explorar.
Iremos á biblioteca para escoller un conto.
Busca o libro perfecto.
Este será o libro que nos acompañará durante a viaxe.
O libro que elixas será a túa guía e tamén che dará ideas para as actividades que imos facer despois.
Nesta actividade, mergullaraste entre os estantes da biblioteca onde escollerás o libro que máis che guste.
Ese será o libro que analizarás, comprenderás e que tamén che axudará a crear o teu marcapáxinas.
Lembranza:
A biblioteca non é só un lugar con libros.
É un espazo de liberdade, descubrimento e viaxes sen fin.
