Saltar navegación

4.1. Pasos a seguir

 

Glosario

Avaliación

Pictograma ARASAAC Avaliación

Definición:

Revisión do que se fixo para saber ata que punto se alcanzaron os obxectivos marcados previamente e en que aspectos se pode mellorar.

Exemplo:

Despois da avaliación do traballo, tivemos que mellorar dous apartados. 

Proxecto

Pictograma ARASAAC Proxecto

Definición:

Traballo ou actividade que facemos para aprender sobre algo ou crear algo novo. Ten un obxectivo e require planificar os pasos a seguir para conseguilo. 

Exemplo:

Hoxe quedamos para planificar o proxecto de Ciencias sobre os animais mariños. 

Pasos a seguir

Elaboración do proxecto

Pictograma ARASAAC InspiraciónInspiración

Collede o conto e reflexionade sobre el: que é o que vos gusta? Por que ese conto? Facede unha choiva de ideas e pensade no que queredes transmitir para animar a súa lectura, unha imaxe, unha oración... Que é o que ides facer no voso marcapáxinas? 

Pictograma ARASAAC DeseñoDeseño

Unha vez que xa sabedes o que vai levar o voso marcapáxinas é o momento de facer o deseño. Escollede o tipo de marcapáxinas que queredes facer e bosquexade o resultado que queredes obter. Pensade en todos os detalles e se queredes que leve luz ou non. 

Pictograma ARASAAC MarcapáxinasElaborar o marcapáxinas

É o momento de poñerse mans á obra. Collede o material que precisades e, de forma organizada, comezade a elaborar o marcapáxinas do voso conto. Anotade os pasos que ides facendo.

Pictograma ARASAAC TextoTexto instrutivo

Xa tedes o marcapáxinas: agora debedes elaborar un texto instrutivo para que todo o alumnado que o desexe teña o seu. Usade o procesador de textos e indicade todos os pasos para que sexa posible a súa consecución.

Pictograma ARASAAC AvaliaciónAvaliación

Revisade o traballo feito para comprobar que todo está correcto e modificar o que consideredes mellorable.

Unha vez rematado, é o momento de valorar o traballo feito. 

Feito con eXeLearning (Nova xanela)