Definición:
É un conxunto de elementos conectados como unha pila, un led, fío condutor ou cinta de cobre condutora, que permiten o paso da corrente eléctrica.
Exemplo:
Colocamos mal a pila do circuíto eléctrico e non se acendía o led.
Definición:
Un modelo realizado con materiais sinxelos para ver como quedará un proxecto antes de rematalo.
Exemplo:
A maqueta foi moi útil para decidir que elementos queríamos cambiar.
Chegou o momento de traballar en equipo para crear o deseño final do voso marcapáxinas. Cada un e cada unha de vós fixo o seu propio bosquexo, inspirado no conto que escollestes conxuntamente. Agora iniciamos a fase na que imos poñer en común todas as ideas para construír unha proposta única.
Como o ides facer?
Agora é o momento de traballar en equipo.
Cada un fixo o seu propio bosquexo, inspirado no conto que escolleron xuntos.
Agora imos poñer en común todas as ideas para facer un marcapáxinas único.
Cada membro do equipo presentará o seu bosquexo e explicará a súa idea.
Entre todos, debedes identificar as ideas que se repiten ou que encaixan ben xuntas.
Facede unha lista con:
Agora que xa compartistes as vosas ideas, é o momento de escoller en equipo os elementos que formarán parte do voso marcapáxinas final. Tedes que decidir, a partir das conclusións da actividade anterior, as formas que ides usar, as cores, as palabras ou frases, os símbolos ou debuxos que representen mellor o conto.
Unha vez que o equipo teña claro o deseño, é o momento de repartir as tarefas.
As tarefas a realizar son as seguintes:
Poden encargarse varias persoas da mesma tarefa, pero ao finalizar a fase deben estar todas realizadas. É importante que todo o equipo estea de acordo coa distribución das tarefas.
Xa compartiches as ideas co equipo.
Agora é o momento de elixir os elementos que formarán o marcapáxinas final.
Decidide, con base nas conclusións da actividade anterior, as formas, cores, palabras, símbolos ou debuxos que mellor representen o conto.
Unha vez que teñades claro o deseño, reparte as tarefas entre todos.
As tarefas son:
Poden encargarse varias persoas dunha tarefa, pero ao final, todas deben estar feitas.
É importante que todos e todas estean de acordo coa distribución das tarefas.
Fai unha pequena acta da reunión, nela debes indicar que foi o que se falou e que achegou cada quen. Tamén é importante indicar a que conclusión se chegou e como.
Agora que xa decidistes os elementos do voso marcapáxinas e repartistes as tarefas, é o momento de facer unha proba en papel para ver como quedará o deseño final.
Cada equipo ten que coller un papel do tamaño real do marcapáxinas e colocar todos os elementos que realizastes na actividade anterior.
É importante pensar onde irá a luz, por onde pasará o fío ou o cobre condutor e que parte queremos que chame máis a atención cando alguén vexa o noso marcapáxinas.
Este deseño é como unha maqueta antes de realizar a versión definitiva. Serve para comprobar se todo encaixa ben e facer cambios se algo non funciona ou non vos gusta moito.
Agora que decidistes os elementos do marcapáxinas e repartistes as tarefas, é o momento de facer unha proba en papel.
Cada equipo collerá un papel do tamaño real do marcapáxinas.
Colocade todos os elementos que fixestes na actividade anterior.
Pensa onde irá a luz.
Decide por onde pasará o fío ou o cobre condutor.
Elixe que parte do marcapáxinas queredes que chame máis a atención.
Este deseño é como unha maqueta antes do marcapáxinas final.
Axudará a comprobar se todo encaixa ben e a cambiar o que non vos guste.
Chegates ao final da fase de deseño. Xa tedes feito o voso bosquexo colectivo e xa decidistes como será o voso marcapáxinas. Agora debedes facer unha última revisión antes de comezar a crealo de verdade.
En equipo debedes comprobar o seguinte:
Se hai algo que non convence ao equipo, aínda estades a tempo de facer pequenos cambios. Esta é a vosa oportunidade para mellorar os detalles e asegurarvos de que todo estea listo.
Cando rematedes esta revisión xa estaredes preparados e preparadas para comezar a crear o voso marcapáxinas especial!
Xa chegamos ao final da fase de deseño.
Fixeches o bosquexo colectivo e decidistes como será o marcapáxinas.
Agora toca facer unha última revisión antes de comezar a crealo de verdade.
En equipo debedes comprobar o seguinte:
Se hai algo que non convence ao equipo, aínda estades a tempo de facer pequenos cambios.
Esta é a oportunidade para mellorar detalles e asegurarvos de que todo estea listo.
Licenciado baixo a Licenza Creative Commons Atribución Non-comercial Compartir igual 4.0