Pequena reflexión
En moitas ocasións escoitamos que os móbiles, os ordenadores ou as pantallas “nos fan máis preguiceiros”, que “pensamos menos”, ou que “cada vez facemos menos cousas por nós mesmos”. Pero... tamén sabemos que a informática forma parte do noso día a día, que está en case todo o que usamos e que controlar ben estas ferramentas poden axudarnos moito no futuro.
Antes de comezar coas tarefas básicas que imos repasar, pensa un pouco sobre como ves ti a tecnoloxía e como cres que pode ser útil para ti.
Escribe no teu diario de aprendizaxe algunhas respostas ás seguintes preguntas:
- Que pensas cando escoitas a palabra "informática"? Gústache? Intimídate?
- Usas o ordenador ou outro dispositivo na casa? Para que?
- Cres que saber usar ben un ordenador pode facerche a vida máis fácil? En que aspectos?
- Como cres que sería a túa vida diaria sen acceso á tecnoloxía? Que cousas cambiarían?
Lectura facilitada
Moitas veces escoitamos cousas negativas sobre as novas tecnoloxías.
Pero… a tecnoloxía tamén é moi importante.
Está en case todo o que usamos cada día.
Se sabemos usala ben, pode axudarnos moito no futuro.
Pensa un momento.
Antes de comezar coas actividades, pensa en como ves ti a tecnoloxía.
Escribe no teu diario de aprendizaxe algunhas respostas ás seguintes preguntas:
- Que pensas cando escoitas a palabra "informática"?
- Gústache?
- Intimídate?
- Usas o ordenador ou outro dispositivo na casa?
- Para que?
- Cres que saber usar ben un ordenador pode facerche a vida máis fácil?
- En que aspectos?
- Como cres que sería a túa vida diaria sen acceso á tecnoloxía?
- Que cousas cambiarían?