Saltar navegación

Actividades

Actividades: Conta-cómic

Como vistes, o cómic é un recurso fundamental na creación artística cando queredes contar unha historia na que transcorre o tempo. A disposición e organización dos distintos elementos axuda a transmitir mensaxes, emocións, accións e dinamismo. Ao longo destas actividades, teredes a oportunidade de observar e analizar estes elementos e contar a vosa propia historia debuxando, explorando e compoñendo para conseguir representar o que queredes.

A través da observación de diversos cómics, a experimentación cos distintos elementos e a exploración dos recursos dixitais, descubriredes como a montaxe e a colocación destes elementos poden transformar a maneira en que se interpretan as mensaxes nas vosas historias.

Preparádevos para analizar, crear e contar historias poñendo en práctica todo o que aprendestes!

Lectura facilitada

O cómic é un recurso fundamental na creación artística cando queredes contar unha historia na que transcorre o tempo.

A disposición e organización dos distintos elementos axuda a transmitir:

  • Mensaxes.
  • Emocións.
  • Accións.
  • Dinamismo.

Ao longo destas actividades, teredes a oportunidade de observar e analizar estes elementos e contar a vosa propia historia.

Debuxaredes.

Exploraredes.

Compoñeredes.

Iso permitiravos conseguir representar o que queredes.

A través:

  • Da observación de diversos cómics.
  • A experimentación cos distintos elementos.
  • A exploración dos recursos dixitais.

Descubriredes como a montaxe e a colocación destes elementos poden transformar a maneira en que se interpretan as mensaxes nas vosas historias.

Preparádevos para:

  • Analizar.
  • Crear.
  • Contar historias poñendo en práctica todo o que aprendestes!

Conta-elementos

No cómic, a composición de todos os seus elementos é fundamental para que se entenda ben a narración da historia. Nesta actividade, o voso reto será identificar os diferentes elementos.

Instrucións:

A partir dunha páxina dun cómic tedes que analizar e identificar os elementos vistos (viñetas, carteleiras, globos, onomatopeas, liñas cinéticas, metáforas visuais). Anotádeos nunha táboa e debuxade un esquema cos elementos atopados. Podedes traballar cun cómic propio ou buscar algún da biblioteca do instituto.

Para iso:

  • Anotade o título da obra, o autor, a técnica utilizada e debuxade un esquema cos diferentes elementos atopados.
  • Explicade brevemente como se desenvolve a historia nesta páxina do cómic que estades a analizar. En poucas liñas, intentade ser claros e concisos.
  • Organizade as vosas respostas nun formato visual atractivo para expoñelo na clase. 

Lectura facilitada

No cómic, a composición de todos os seus elementos é fundamental para que se entenda ben a narración da historia.

Nesta actividade, o voso reto será identificar os diferentes elementos.

Instrucións:

  • A partir dunha páxina dun cómic tedes que analizar e identificar os elementos vistos (viñetas, carteleiras, globos, onomatopeas, liñas cinéticas, metáforas visuais).
  • Anotádeos nunha táboa.
  • Debuxade un esquema cos elementos atopados.
  • Podedes traballar cun cómic propio ou buscar algún da biblioteca do instituto.

Para iso:

  • Anotade:

- O título da obra.

- O autor.

- A técnica utilizada.

- Debuxade un esquema cos diferentes elementos atopados.

  • Explicade brevemente como se desenvolve a historia nesta páxina do cómic que estades a analizar.
  • Intentade ser claros e concisos.
  • Organizade as vosas respostas nun formato visual atractivo para expoñelo na clase. 

Conta-historia

Nesta actividade, creade unha nova historia en forma de cómic onde aparezan todos os elementos vistos. O obxectivo é experimentar coa forma das viñetas, situar ben os globos de diálogo, as carteleiras, e introducir algunha onomatopea, metáfora visual e liñas cinéticas. Intentade representar tamén o paso do tempo na vosa historia.

Instrucións:

  • Escribide unha pequena historia (cómica, dramática....).
  • Sobre unha superficie branca (folio ou cartolina en A4), organizade e debuxade as viñetas para contar esa historia. Recordade facer un marxe e engadir un pequeno título.
  • Debuxade os personaxes, introducide os globos de diálogo e todos os diferentes elementos xa vistos. 
  • Cando esteades satisfeitos/as co voso cómic, repasade con tinta negra todos os contornos. Podedes empregar un bolígrafo ou rotulador de punta fina.
  • Coloreade coa técnica que prefirades.
  • Presentádeo na clase. 

Lectura facilitada

Creade unha nova historia en forma de cómic.

Deben aparecer todos os elementos vistos.

O obxectivo é:

  • Experimentar coa forma das viñetas.
  • Situar ben:

- Os globos de diálogo.

- As carteleiras.

- Introducir algunha onomatopea, metáfora visual e liñas cinéticas.

  • Intentade representar tamén o paso do tempo na vosa historia.

Instrucións:

  • Escribide unha pequena historia (cómica, dramática....).
  • Sobre unha superficie branca (folio ou cartolina en A4), organizade e debuxade as viñetas para contar esa historia.
  • Recordade facer un marxe e engadir un pequeno título.
  • Debuxade os personaxes, introducide os globos de diálogo e todos os diferentes elementos xa vistos.
  • Cando esteades satisfeitos/as co voso cómic, repasade con tinta negra todos os contornos.
  • Podedes empregar un bolígrafo ou rotulador de punta fina.
  • Coloreade coa técnica que prefirades.
  • Presentádeo na clase. 

Conta-explora

Nesta actividade, teredes que crear a vosa historia en forma de cómic pero dun xeito dixital. Poderedes empregar diversas aplicacións como pode ser Polotno. 

Instrucións:

  • Escribide a vosa historia cómica ou dramática, e debuxade un pequeno esquema das viñetas, personaxes, globos de diálogo etc.
  • Escollede unha aplicación no ordenador para facer a montaxe dos elementos necesarios para contar esa historia.
  • Recordade empregar todos os elementos do cómic xa vistos e facede unha descarga do traballo en .pdf ou .png.
  • Compartide o voso traballo coa clase e reflexionade se fostes capaces de representar o paso do tempo.

Lectura facilitada

Teredes que crear a vosa historia en forma de cómic.

Ten que ser dun xeito dixital.

Poderedes empregar diversas aplicacións como pode ser Polotno. 

Instrucións:

  • Escribide a vosa historia cómica ou dramática, e debuxade un pequeno esquema das viñetas, personaxes, globos de diálogo etc.
  • Escollede unha aplicación no ordenador para facer a montaxe dos elementos necesarios para contar esa historia.
  • Recordade empregar todos os elementos do cómic xa vistos.
  • Facede unha descarga do traballo en .pdf ou .png.
  • Compartide o voso traballo coa clase.
  • Reflexionade se fostes capaces de representar o paso do tempo.

Feito con eXeLearning (Nova xanela)