Saltar navegación

4.2. Ilustrando a tradición oral

Rescatadores de contos

Rescatando contos e lendas populares

Agora poñeredes en práctica o "plan de rescate" con todo o que fostes aprendendo ata o momento, que non é pouco!

Rescatade esas antigas historias, transformándoas en fermosas viñetas e textos que cheguen ao corazón dos vosos futuros lectores e lectoras.

Lembrade revisar en cada momento se estades realizando os pasos axeitadamente, seguindo as indicacións que tedes a continuación.

Lectura facilitada

Agora poñeredes en práctica o "plan de rescate" con todo o que fostes aprendendo ata o momento, que non é pouco!

  1. Rescatade esas antigas historias.
  2. Transformándoas en fermosas viñetas e textos que cheguen ao corazón dos vosos futuros lectores e lectoras.
  3. Lembrade revisar en cada momento se estades realizando os pasos axeitadamente.

Seguide as indicacións que tedes a continuación.

Comprobade os pasos seguidos

Pictograma de lista para representar unha lista de cotexo

Todo proxecto artístico require seguir unhas pautas que debedes ter presentes. Para asegurarvos de que non queda nada atrás, é importante que vaiades revisando o voso traballo e comprobando se ides cumprindo cada un dos puntos da lista de control que tedes a continuación.

 Sede sinceros ao responder; só así poderedes mellorar e sacar adiante un proxecto artístico de calidade.

Para iso, tódolos apartados deben aparecer como superados!

Lectura facilitada

Todo proxecto artístico require seguir unhas pautas que debedes ter presentes.

Por iso é importante que vaiades revisando o voso traballo.

Comprobade se ides cumprindo cada un dos puntos da lista de control que tedes a continuación.

 Sede sinceros ao responder.

Tódolos apartados deben aparecer como superados!

Lista de cotexo

Analizando o voso cómic
Ítem Si Non

O cómic conta con variedade de viñetas?

Os textos acompañan e axudan a entender as ilustracións?

Os textos son facilmente lexibles (teñen bo tamaño e a escrita está coidada)?

Empregouse unha variedade de tipos de planos, tanto segundo o encadre como a angulación (primeiro plano, xeral, picado, nadir etc)?

Empregouse unha variedade de composicións audiovisuais (sinxela, asimétrica, equilibrada, regra dos terzos etc)?

O cómic levouse a cabo con coidado (está ben rotulado, coloreado etc).

Todas as persoas que compoñen o grupo participaron na creación do cómic asumindo os diferentes roles (guionista, ilustrador/a, entintador/a, colorista, rotulista)?

Todas as persoas que compoñen o grupo participaron na maquetación dixital do cómic?

Todas as persoas que compoñen o grupo participaron na presentación pública do cómic?

Lectura facilitada

Feito con eXeLearning (Nova xanela)